Qazaqstanda qańtar-shildede ónerkásip ónimderi 9,6% qymbattady

NUR-SULTAN. QazAqparat - Qazaqstanda ónerkásip ónimderin óndirýshi kásiporyndardyń baǵasy 2019 jyldyń shilde aıynda ótken aımen salystyrǵanda 0,8%-ke ósti, 2018 jyldyń jeltoqsan aıynan - 3,2%, osy jyldyń qańtar-shilde aılarynda ótken jyldyń osy kezeńimen salystyrǵanda 9,6%-ke artqan, dep habarlaıdy QazAqparat QR Ulttyq ekonomıka mınıstrliginiń Statıstıka komıtetine silteme jasap.

Jyl basynan beri taý-ken ónerkásibindegi óńdeýshi kásiporyndardyń baǵasy 4,4%, óńdeý ónerkásibinde – 3,2% ósti. Ónerkásip óndirisi 3,5% qymbattady, ónerkásip qyzmetteriniń baǵasy 0,1% artty.

Jyl basynan beri kómir 9,2% -ǵa, suıytylǵan propan men býtan - 1,7% -ǵa, metall kenderi - 6,6% -ǵa, munaı - 4,5% -ǵa, tabıǵı gaz - 1,8% -ǵa, dızel otyny - 1%-ǵa qymbattap, benzın 11,8%, mazýt 0,5%-ke arzandady.

Asyl metaldar – 13,1%, qara metalldar baǵasy - 5,6%, ferroqorytpalar - 2,6%-ke ósse, alıýmınıı - 4,7%, myrysh - 1,9%, mys - 1,6% -ke tómendedi.

Qara bıdaı uny -21,4%, bıdaı - 14,4%, kúrish - 17,1%, jarma -10%, makaron ónimderi - 9,7%, iri qara mal eti -8,2%, nan - 5,5%, shaı - 3,5%, ósimdik maıy - 2,6% , sút ónimderi - 3%-ke, balyq – 2,1%-ke qymbattasa, qus eti - 1,9%-ke, qant – 0,6%-ke arzandady.