Qazaqstanda qańtar-sáýir aılarynda benzın óndirisi 10,4 paıyzǵa artty
ASTANA. QazAqparat - Qazaqstanda 2018 jyldyń qańtar-sáýir aılarynda benzın óndirisi 1121,6 myń tonnaǵa jetip, 2017 jyldyń sáıkes kezeńimen salystyrǵanda bul kórsetkish 10,4 paıyzǵa artqan, dep habarlaıdy QazAqparat tilshisi QR UEM Statıstıka komıtetine silteme jasap.
Esep berilgen kezeńde Qazaqstanda 82,6 myń tonnna kerosın óndirilgen. Naqtyraq aıtqanda, bul kórsetkish ótken jyldyń qańtar-sáýir aılaryna qaraǵanda 49,6 paıyzǵa artyq. Sonymen birge, 812,6 myń tonna (+6 paıyz) tómendetilgen propan men býtan shyǵarylǵan.
«Sonda-aq, osy aralyqta 1419,7 myń tonna (-0,3 paıyz) gazoıl, 1108,2 myń tonna (+12,5 paıyz) mazýt, 662 myń tonna (+2,4 paıyz) ferroqorytpa, 1013,4 myń tonna (+11,9 paıyz) tegis prokat, 51,5 myń tonna (+5,6 paıyz) tazartylǵan qorǵasyn, 109,8 myń tonna (-7,8 paıyz) myrysh, 137,3 myń tonna (-0,6 paıyz) tazartylǵan mys óndirilgen», - delingen habarlamada.
