Qazaqstanda qańtar-mamyrda jańa páter quny 3,1%-ǵa qymbattady
NUR-SULTAN. QazAqparat - Qazaqstanda 2019 jyldyń mamyr aıynda jańa baspananyń sharshy metriniń baǵasy orta eseppen 282 314 teńgeni qurap, ótken aıdaǵy kórsetkishten 0,8%-ǵa artty. Baspana baǵasy 2018 jyldyń jeltoqsanymen salystyrǵanda 2,4%-ǵa, byltyrǵy qańtar-mamyr aılarymen salystyrǵanda 3,1% ósken, dep habarlaıdy QazAqparat QR Ulttyq ekonomıka mınıstrliginiń Statıstıka komıtetine silteme jasap.
Qaıta satylatyn abattandyrylǵan baspananyń 1 sharshy metri mamyr aıynda ortasha 192 201 teńge (sáýir aıymen salystyrǵanda 0,4%, 2018 jyldyń jeltoqsanymen salystyrǵanda 1,9%, 2019 jyldyń qańtar-mamyr aılarynda byltyrǵy jyldyń osy kezeńimen salystyrǵanda 2,7% ósken), abattandyrylmaǵan baspana quny 119 704 teńge (+0,3%, +1,2% jáne +2,9%) boldy.
Jalǵa beriletin abattandyrylǵan baspananyń 1 sharshy metriniń baǵasy ótken aıda ortasha 1 431 teńgeni qurady (0, +2,2% jáne +7,5%).
