Qazaqstanda qańtar aıynda turǵyn úıdi satý-satyp alý boıynsha 11 myńnan astam mámile jasaldy
ASTANA. 18 aqpan. QazAqparat - 2013 jyldyń qańtar aıynda turǵyn úılerdi satý-satyp alý jónindegi tirkelgen mámilelerdiń sany 11 607 qurady, bul onyń aldyńǵy aımen salystyrǵanda 5,3 paıyzǵa az,
dep habarlady Statıstıka agenttiginiń baspasóz qyzmetinen.
Agenttiktiń aqparaty boıynsha, 2013 jylǵy qańtarda turǵyn úılerdi satý-satyp alý mámileleriniń sany 2012 jylǵy qańtarmen salystyrǵanda 17,3 paıyzǵa ósip otyr, dep habarlandy QR Prezıdenti janyndaǵy OKO-nyń saıtynda.
Vedomstvonyń habarlaýynsha, sondaı-aq 2013 jyldyń qańtarynda jańa baspananyń 1 sharshy metriniń baǵasy respýblıka boıynsha orta eseppen 174,2 myń teńgeni qurady jáne aldyńǵy aımen salystyrǵanda 0,9 paıyzǵa qymbattady. Al abattandyrylǵan úılerdi qaıta satý baǵasy sáıkesinshe - 131,1 myń teńgeni qurady jáne 1,2 paıyzǵa qymbattady.
