Qazaqstanda qańtar aıynda ınflıatsııa 0,6% qurady

ASTANA. QazAqparat - Qazaqstanda ınflıatsııa deńgeıi 2018 jyldyń qańtarynda onyń aldyńǵy aımen salystyrǵanda - 0,6%, 2017 jyldyń qańtarymen salystyrǵanda 6,8% qurady, dep habarlaıdy QazAqparat Ulttyq ekonomıka mınıstrligi Statıstıka komıtetine silteme jasap.

Baǵa azyq-túlik taýarlaryna ótken aıda - 0,6%, azyq-túlik emes taýarlaryna - 0,3%, aqyly qyzmetterge - 0,8%-ǵa ósti.

Ótken aıda baǵalar, sonymen qatar qııarǵa - 10,5%, qyzanaqqa - 9,8%, tátti buryshqa - 9%, qyryqqabatqa - 4,3%, kartopqa - 3%, jumyrtqaǵa - 1,4%, sábizge - 1,1%, konservilengen sútke - 1%, sary maı men jańa aýlanǵan balyqqa - 0,8%, máıekti irimshikke - 0,5%, qoı eti men kondıterlik ónimderge 0,3%-ǵa artty.

Al qaraqumyq jarmasyna (4,9%), qumshekerge (3,2%), kúrishke (1,1%) jáne qara shaıǵa (0,9%-ǵa) baǵalar kerisinshe tómendedi.

Qańtarda farmatsevtıkalyq ónimderge baǵalar - 0,8%, avtomobılderge - 0,7%, jýǵysh jáne tazalaǵysh quraldarǵa - 0,6%-ǵa, jıhaz jáne úıge qajetti zattarǵa, turmystyq aspaptarǵa - 0,5%, kıim jáne aıaq kıimge, jeke qoldanatyn taýarlarǵa - 0,4%, keńse taýarlary men syzý quraldaryna, shyny jáne qyshtan jasalǵan ónimderge, kitaptarǵa, toqyma buıymdaryna 0,2%-dan qurady. Ballondaǵy suıytylǵan gaz 0,7%, tas kómir - 0,5%-ǵa qymbattady.

Budan bólek, baǵa quqyq qyzmetterine, kólik quraldaryn saqtandyrýǵa - 6%-ǵa, mektepke deıingi balalar mekemesiniń qyzmetterine - 1,4%, jolaýshylar kóligine - 1,3%, densaýlyq saqtaý salasynda - 1,2%, shashtarazdar men jeke qyzmet kórsetý oryndarynda - 0,8%, qoǵamdyq tamaqtandyrýda 0,3%-ǵa ósti.

Turǵyn úı-kommýnaldyq qyzmetter salasynda tarıfter ortalyqtan jylytýǵa - 1,9%-ǵa, ystyq sýǵa, turǵyn úıdi kútip ustaýǵa - 1,7%-ǵa, qoqys shyǵarýǵa - 1,2%, elektrenergııasyna - 0,7%, taratý jelileri arqyly tasymaldanatyn gazǵa 0,4%-ǵa joǵarylady.