Qazaqstanda qańtar-aqpanda aýyl sharýashylyǵy ónimderi 3,3%-ǵa artty

ASTANA. QazAqparat - Qazaqstanda 2018 jyldyń qańtar-aqpandaǵy aýyl, orman jáne balyq sharýashylyǵy ónimderiniń jalpy kólemi 233 529 mln teńge bolǵan, bul 2017 jyldyń osy kezeńimen salystyrǵanda 3,3%-ǵa artyq, dep habarlaıdy «QazAqparat» HAA tilshisi QR UEM Statıstıka komıtetine silteme jasap. 

Eseptik kezeńde óndirilgen ónimderdiń jalpy kólemi mynadaı: mal sharýashylyǵy - 220 680,3 mln teńge (byltyrǵy osy kezeńnen 3,4%-ǵa artyq), eginshilik - 9953,7 mln teńge (0), aýyl sharýashylyǵy salasyndaǵy qyzmetter - 57,9 mln teńge.

Óz kezeginde óndirilgen ónimder (qyzmetter) kólemi mynadaı: ań aýlaý sharýashylyǵy - 174,4 mln teńge, orman sharýashylyǵy - 1539,5 mln teńge, balyq sharýashylyǵy men akvamádenıet - 1123,2 mln teńge.