Qazaqstanda qant tapshylyǵy joq
«Respýblıkada qant qory shamamen 67 myń tonnany quraıdy. Qant óndirisi úzdiksiz júzege asyrylyp jatyr.
Qazaqstannyń turaqtandyrý qorlary, saýda nysandary men respýblıkanyń qoımalaryndaǵy qant qory shamamen 31 myń tonnany quraıdy. Budan bólek, zaýyttarda óńdeýge arnalǵan 36 myń tonna qurǵaq qant shıkizaty bar. Qosymsha 16 myń tonna qant shıkizaty jolda kele jatyr», - delingen mınıstrlik habarlamasynda.
Vedomstvo aqparatyna sáıkes, qant zaýyttaryndaǵy ónim óndirisi úzdiksiz júrip jatyr. Іshki naryqqa qantty «Azyq-túlik korporatsııasy» UK» AQ jetkizip turady.
«Baǵalardy turaqtandyrý úshin zaýyttar óńirlerdiń turaqtandyrý qorlaryna, saýda jelilerine jáne jetkizýshilerge tıeýdi, quramynda qant bar ónimderdi óndirýshilerge olardyń ótinimderine sáıkes jetkizýdi júzege asyrady.
Bıyl mamyr aıynda barlyǵy 30 myń tonnadan astam júk tıeldi, maýsym aıynda 44,8 myń tonna qant jóneltý josparlanyp otyr.
Aýyl sharýashylyǵy mınıstrligi ónimdi óńirlerge jedel jetkizý úshin múddeli taraptarmen birlesip, Qazaqstan aýmaǵy boıynsha temir jol kóligimen júkterdi (aq qant, quraq qant shıkizaty) kedergisiz ótkizý máselesin pysyqtap jatyr», - dedi QR AShM-nan.
