Qazaqstanda qant dıabetin emdeýge qansha qarajat bólinedi

ASTANA. KAZINFORM – Keıingi 3 jyl aralyqta Qazaqstan qant dıabetine shaldyqqandardy emdeý úshin 157 mlrd teńgeden astam qarjy jumsady. Bul qarjyǵa negizinen dári-dármek satyp alynady.

Elimizde qant dıabetine shaldyqqandar sany úzdiksiz artyp jatyr. Jyl saıyn tizim 60-70 myń adammen tolyǵyp otyrady. Tipti, aı saıyn ósýde. Máselen, 2024 jyldyń 1 qazanynda tizimde 516 564 adam bolsa, týra 2 aıdan keıin (2024 jylǵy 1 jeltoqsan) tizim 522 224-ke jetken. Onyń 95 paıyzy – II tıptegiler. Al 2022 jyly naýqastar sany 383 myń bolsa, 2023 jyly 444 myńnan asqan.

Naýqastardyń kóbeıýi salaǵa bólinetin qarjyny da arttyrýǵa májbúr etýde. Byltyr jeltoqsanda Senat depýtattary úkimet basshysy Oljas Bektenovke saýal joldap, qant dıabetine bólingen qarjynyń esebin suraǵan. Bektenovtiń jaýabynda 2021 jyly qant dıabetine qarsy dári-dármek satyp alýǵa 31 mlrd teńge jumsalǵany, al 2024 jyly 56,3 mlrd teńge bolǵany jazylǵan. 2025 jylǵa jospar – 70 mlrd teńge.

Buǵan deıin tátti sýsyndardyń qant dıabetine áseri, oǵan qatysty qosymsha salyq salý jóninde taldaý jazǵan edik.