Qazaqstanda qant dıabetiniń ınsýlınge táýeldi túrimen aýyratyndardy emdeýge qajetti preparattardyń jetkilikti qory bar
ASTANA. Jeltoqsannyń 8-i. QazAqparat - Búgin QR Densaýlyq saqtaý mınıstrligi qant dıabetiniń ınsýlınge táýeldi túrimen aýyratyn jáne gemofılııamen aýyratyn naýqastardy dárilik zattarmen ýaqtyly qamtamasyz etýge qatysty habarlama taratty,
dep habarlaıdy QazAqparat.
«Aǵymdaǵy jyly respýblıkalyq bıýdjet qarajaty esebinen gemofılııamen aýyratyn eresek adamdardyń qan faktoryn qamtamasyz etýge 3,2 mlrd. teńge kóleminde qarajat bólindi. Qannyń 4 faktoryn satyp alýdy Mınıstrlik 2009 jylǵy aqpanda júrgizdi. Qajettilik kelesi jylǵa satyp alynatyn dárilik zattardy jetkizýdi esepke ala otyryp eseptelindi. Respýblıkalyq bıýdjet qarajaty esebinen satyp alynǵan dárilik zattardy paıdalaný monıtorınginiń nátıjeleri boıynsha óńirlerde 2010 jylǵy naýryzǵa, ıaǵnı 2010 jylǵy jetkizýdiń bastalýyna deıin dárilik preparattardyń jetkilikti mólsherdegi qaldyqtary bar», delingen atalmysh mınıstrliktiń baspasóz qyzmeti taratqan habarlamada.
Sonymen qatar, baspasóz qyzmetiniń málimetinshe, gemofılııamen aýyratyn balalardy dárilik qamtamasyz etý Densaýlyq saqtaý mınıstriniń buıryǵymen bekitilgen Ambýlatorııalyq emdeý kezinde dárilik zattar men mamandandyrylǵan emdik taǵam retsepter boıynsha tegin ári jeńildikti sharttarmen bosatylatyn aýrýlardyń túrleri men halyqtyń jekelegen sanattarynyń tizbesine sáıkes 2004 jyldan bastap jergilikti bıýdjet qarajatynan ambýlatorııalyq-emhanalyq deńgeıde júzege asyrylýda. 2010 jyly ambýlatorııalyq dárilik qamtamasyz etý boıynsha farmatsevtıkalyq qyzmetterdi satyp alý qoldanystaǵy zańnamaǵa sáıkes densaýlyq saqtaýdy basqarýdyń jergilikti organdary ótken jyldardaǵydaı júzege asyratyn bolady.
