Qazaqstanda qant dıabetinen qaıtys bolǵandar sany 24,7 paıyzǵa azaıdy - Densaýlyq saqtaý mınıstri
TANA. 24 tamyz. QazAqparat /Aıdar Ospanalıev/ - Qazaqstanda qant dıabetinen qaıtys bolǵandar sany 24,7 paıyzǵa azaıdy. Búginde bul dert elimizde 100 myń adamǵa shaqqanda 6,7 paıyzdan keledi.
Bul týraly búgin Premer-Mınıstrdiń orynbasary Erbol Orynbaev basqaratyn Densaýlyq saqtaý jónindegi úılestirý keńesiniń XV májilisinde Densaýlyq saqtaý mınıstri Salıdat Qaıyrbekova málim etti.
Onyń aıtýynsha, juqpaly emes aýrýlardyń 60 paıyzynda betin qaıtarýǵa bolatyn jalpyǵa birdeı táýekel faktorlary bar. Olardyń 7-ýi eń qaýipti bolyp sanalady. Olar joǵary arterıaldy qysym, temeki shegý, alkogoldi ishimdikterdi paıdalaný, qandaǵy holesterınniń shekten tys kóp bolýy, semizdik, jemis-jıdekter men kókónisterdi az paıdalaný jáne az qımyldaý.
«Qazaqstanda júrgizilgen áleýmettik zertteýler men skrıngtik tekserýler 12 jastan asqan azamattar arasynda temeki shegý ádeti keń tarap otyrǵandyǵyn kórsetti. Osyǵan baılanysty bıyl Densaýlyq saqtaý mınıstrligi keshendi túrde júıeli sharalar qoldanýǵa kiristi. Mysaly, eldegi zańdarǵa 18 jasqa tolmaǵan azamattarǵa temeki satýǵa tyıym salynyp, temekini bólshektep satýǵa ruqsat berilmeıtin boldy. Sondaı-aq kópshilik oryndarda temeki shegýge bolmaıtyn tyıym salyndy. Buǵan qosa buqaralyq aqparat quraldary men kóshelerde úgit-nasıhat quraldary arqyly temekini jarnamalaýǵa tyıym salynyp, temeki ónimderi aktsıziniń baǵasy qymbattady», - dedi mınıstr.
