Qazaqstanda qant dıabetine shaldyqqan naýqastarǵa ınsýlın sorǵysy terapııasy paıdasyn tıgizip keledi - L.Danııarova
ASTANA. QazAqparat - Qazaqstanda 1-dərejeli dıabetke shaldyqqan naýqastardy emdeý úshin pompaly terapııa ədisi tıimdi qoldanylyp keledi. Bul týraly búgin «Qazaqstandaǵy qant dıabetin emdeýge arnalǵan ınnovatsııalyq medıtsınalyq tehnologııalar men emdeý ádisteri: ınsýlın sorǵysy terapııasyn endirýge arnalǵan memlekettik joba" taqyrybynda ótken kezdesý barysynda Densaýlyq saqtaý jəne əleýmettik damý mınıstrliginiń bas endokrınolog dərigeri Laýra Danııarova məlim etti.
"Birneshe jyl buryn jasy 18-ge tolǵan, biraq tegin dəri-dərmek berilmeıtin jastardyń haly ne bolmaq degen suraq týyndady. Nemese qant dıabetine shaldyqqan jasy 25-ten asqan, otyzǵa taıaǵan adamdardyń haly ne bolmaq? Mine, osy məseleni sheshý úshin biz ınsýlın salý terapııasyn qolǵa aldyq. Əýel basta jas aralyǵy 24-25-tegi adamdarǵa ınsýlın saldyq, osylaısha óte jaqsy nətıjelerge qol jetkizdik", - deıdi ol.
Onyń aıtýynsha, balalarǵa arnalǵan ınsýlındi pompa (sorǵy) terapııasy jónindegi biregeı joba Qazaqstanda 2011 jyly bastalǵan. Jobanyń maqsaty - dıabettiń 1-shi túrine shaldyqqan 1 jastan bastap 18 jasqa deıingi aralyqtaǵy balalardy qanǵa ınsýlındi avtomatty túrde jiberetin arnaıy sorǵylarmen qamtamasyz etý.
Aıta keteıik, dərigerlerdiń búgingi kezdesýin uıymdastyrǵan ınsýlın sorǵylaryn óndiretin «Medtronık Bı Vı» kompanııasy.
