Qazaqstanda qant dıabetimen 35-65 jas aralyǵyndaǵy adamdar kóbirek aýyratyn boldy

ASTANA. QazAqparat - QR Densaýlyq saqtaý jáne áleýmettik damý mınıstrliginiń málimetteri boıynsha, 2014 jyly qant dıabetimen aýyratyn adamdardyń sany 259 myńǵa jetken, onyń 1600-den astamy balalar. Bul týraly búgin OKQ baspasóz máslıhatynda Ulttyq ǵylymı-medıtsınalyq ortalyqtyń endokrınology Naılıa Toqtarova aıtty.
None
None

"QR Densaýlyq saqtaý jáne áleýmettik damý mınıstrliginiń málimetteri boıynsha, 2014 jyly qant dıabetimen aýyratyn adamdardyń sany 259 myńǵa jetken, onyń 1600-den astamy balalar. Degenmen, qant dıabetiniń shynaıy taralýy resmı derekten 45-50 paıyzǵa kóp. Búgingi tańda qant dıabeti naýqastardy múgedek etý jaǵynan kósh bastap tur. Bul dertke shaldyqqandardyń soqyr bolyp qalý, dene múshelerin ampýtatsııalaý, búırek aýrýyna shaldyǵý qaýpi joǵarylaıdy. Taǵy bir aıta keterligi, sońǵy kezderde qant dıabetiniń buryn "káriler aýrýy" dep atalǵan ekinshi tıpine 35 pen 65 jas aralyǵyndaǵy adamdardyń shaldyǵýy jıilep ketti. Bul ókinishke oraı adamnyń naǵyz qýaty tolyp, jumys isteıtin jasy", - deıdi maman.

N. Toqtarovanyń aıtýynsha, qazirgi kezde ınsýlındik terapııaǵa zárý naýqastardyń sany artýda. Mysaly, 2013 jyly ınsýlınge zárý naýqastardyń sany 47 myńǵa jetse, 2014 jyly bul kórsetkish 51 myńnan asqan.

Сейчас читают