Qazaqstanda qansha jasóspirim kolonııada jazasyn ótep jatyr
NUR-SULTAN. QazAqparat - Qazaqstanda kámelet jasyna tolmaǵan 43 jasóspirim abaqtyda otyr, dep habarlaıdy QazAqparat tilshisi.
Jasóspirimder jıi jasaǵan qylmystar qatarynda kisi óltirý, aýyr jaraqat, tonaý jáne zorlyq áreketteri bar.
«Kámelet jasyna tolmaǵan jasóspirimder jasaıtyn qylmystardyń kópshiligi paıdakúnemdik maqsatyn kózdeıdi. Tártip saqshylarynyń aıtýynsha, olar qymbat smartfon men qymbat zattarǵa ıe bolǵysy keledi. ıAǵnı ata-anasynyń tabysy jetpegendikten sondaı áreketterge barady. Zańbuzýshylyq pen qylmysqa kóp jaǵdaıda mektep jasyndaǵy jasóspirimder men kolledj stýdentteri barady. Munda másele taǵy da tárbıege kelip tireledi. Bala tárbıesinde ata-ananyń róli erekshe ekenin bárimiz bilemiz», - dedi QR ІІM Ákimshilik polıtsııa komıteti ıÝvenaldy polıtsııa basqarmasynyń basshysy Áset Ospanov Ortalyq kommýnıkatsııalar qyzmetinde ótken baspasóz máslıhatynda.
Sonymen birge, Á. Ospanov kámelet jasyna tolmaǵan qansha qazaqstandyq jasóspirimniń jaza ótep jatqanyn aıtty.
«Qazirgi ýaqytta kámelet jasyna tolmaǵandar kolonııasynda 43 jasóspirim jazasyn ótep jatyr. Olardyń jasaǵan qylmysy ártúrli deıgeıde. Atap aıtqanda, adam óltirý, ólimge ákep soqqan aýyr jaraqat, tonaý jáne zorlyq-zombylyq kórsetý. Olardyń eń uzaq degeni 5 jyl túrmede otyrady. Bizdegi málimetterge sáıkes, kámelet jasyna tolmaǵandar arasyndaǵy qylmystardyń kóbi Almaty, Aqtóbe jáne Túrkistan oblysynda tirkelgen», - dedi basqarma basshysy.
Foto: takt-tv.ru
