Qazaqstanda qansha janarmaı qory bar – vıtse-mınıstrdiń jaýaby
Elimizdegi AI-92 markaly benzınniń qazirgi qory bir aıdan astam ýaqytqa jetedi. Al dızeldiń qory 36 kúnge, AI-95 markaly benzın qory 24 kúnge jetedi.
Energetıka vıtse-mınıstri Erlan Aqkenjenov BAQ ókilderimen ótken brıfıngide osyndaı málimet keltirdi, dep habarlaıdy QazAqparat tilshisi.
«Bizdiń eseptegi derekter boıynsha jáne jınaqtalǵan qor men qazan aıyndaǵy jóndeý maýsymy kele jatqanyn eskerip aıtsaq, Qazaqstan bul kezeńdi qandaı da bir tosyn oqıǵasyz ótkizedi dep otyrmyz. Benzın bolady», - dedi ol.
Erlan Aqkenjenovtiń sózinshe, elde eki aıǵa jetetin áýe janarmaıynyń qory bar.
«Janarmaı qory týraly aıtsaq, benzın jetkilikti. Áýe otyny shamamen eki aıǵa, AI-92 markaly benzın bir aıdan astam ýaqytqa, dızel 36 kúnge, AI-95 markaly benzın, qatelespesem, 24 kúnge jetý kerek», - dedi vıtse-mınıstr.
