Qazaqstanda qansha taýar bırjasy bar

NUR-SULTAN. QazAqparat – Qazirgi ýaqytta Qazaqstanda 19 taýar bırjasy lıtsenzııalanǵan. Bul týraly Májilistiń jalpy otyrysynda bırjalyq saýdany damytý jáne jetildirý máseleleri boıynsha zań jobasyn talqylaý kezinde Saýda jáne ıntegratsııa mınıstri Baqyt Sultanov málim etti, dep habarlaıdy QazAqparat tilshisi.

«Usynylyp otyrǵan Zań jobasynyń negizgi bólimderine toqtalyp keteıin. Qazirgi ýaqytta Qazaqstanda 19 taýar bırjasy lıtsenzııalanǵan. Ulttyq statıstıka bıýrosynyń derekterine sáıkes bırjalyq kelisimderdiń sany 2009 jyly 1 119-dan 2020 jyly 48 000 kelisimge deıin, ıaǵnı 50 esege ósti. Bul rette, jetekshi úsh taýar bırjasynyń («Astana», ETS, «Kaspı» bırjalary) bırjalyq saýda-sattyq kólemi 2020 jyly 291,2 mlrd teńgeni, ıaǵnı barlyq saýda-sattyq kóleminiń 30%-yn qurady. Turaqty bırjalyq salany qalyptastyrý maqsatynda zań jobasynda taýar bırjalarynyń eki deńgeıli júıesin engizý usynylady», - dedi Baqyt Sultanov.

Mınıstr birinshi deńgeıge toqtala kele, saýda-sattyqty bırjalyq taýarlarmen júzege asyratyn taýar bırjalary úshin jarǵylyq kapıtaldy 700 myń eselengen aılyq eseptik kórsetkishke deıin ulǵaıtý kózdelgenin aıtty.

«Ekinshi deńgeı, standarttalmaǵan taýarlarmen ǵana saýda-sattyqty júzege asyratyn taýar bırjalary úshin talaptar burynǵy deńgeıde qalady. ıAǵnı jarǵylyq kapıtaldyń eń az mólsheri 300 myń eselengen aılyq eseptik kórsetkishti quraıdy. Bırjalardyń túrli-tarmaqtaryna bólinýi bırjalyq saýdany jetildirýge jáne damytýǵa serpin beredi. ıAǵnı tek standarttalmaǵan taýarlarmen saýda-sattyqty júzege asyratyn bırjalar basqa qatysýshylarmen shoǵyrlanyp, qyzmetter spektrin keńeıtip, olardyń sapasyn jaqsartý jáne kólemin ulǵaıtý arqyly óz potentsıalyn arttyrýǵa tyrysady», - dedi B. Sultanov.