Qazaqstanda qansha ShOB tirkelgen

NUR-SULTAN. QazAqparat - Qazaqstanda 1,6 mln shaǵyn jáne orta bıznes sýbektisi tirkelgen. Bul týraly búgin Úkimet úıindegi baspasóz máslıhatynda QR Ulttyq ekonomıka vıtse-mınıstri Jasulan Mádıev aıtty, dep habarlaıdy QazAqparat tilshisi.

«2019 jyldyń 1 qańtaryndaǵy derekterge sáıkes, tirkelgen shaǵyn jáne orta bıznes sýbektileriniń sany 1,6 mln birlikti, al shaǵyn jáne orta bızneste jumyspen qamtylǵandardyń sany 2019 jyldyń 1 shildesinde shamamen 3,3 mln adamdy qurady», - dedi ol.

Vıtse-mınıstrdiń aıtýynsha, shaǵyn jáne orta bıznes kásipkerlik saladaǵy ahýaldyń jaqsarýyna kásipkerlik qyzmet jónindegi zańnamaǵa júrgizilgen júıeli reformalar septigin tıgizip otyr. Bul jumystar 2014 jyly 2020 jylǵa deıin kásipkerlikti qyzmetti memlekettik retteý tujyrymdamasyn qabyldaý arqyly júzege asyryla bastaǵan edi. Munan bólek, 2015 jyly «Doing Business» reıtıngi aıasynda bıznesti damytý úshin qolaıly jaǵdaı jasaýǵa baǵyttalǵan zańnamalyq bastamalardyń 7 toptamasy qabyldandy.

«Kásipkerlik qyzmetti memlekettik retteý tujyrymdamasyna sáıkes, bıznesti retteýdi jetildirý, onyń ishinde memlekettik baqylaý jáne qadaǵalaý, ruqsat berý júıesi, bıznes qyzmetine negizsiz aralasýǵa tyıym salý syndy túbegeıli reformalar júzege asyryldy», - dedi Jasulan Mádıev.