Qazaqstanda qansha shaqyrym jol aqyly bolady
NUR-SULTAN. QazAqparat – «QazAvtoJol» UK» AQ Basqarma tóraǵasy Ulan Álipov Qazaqstanda qansha shaqyrym jol aqyly bolatynyn aıtyp berdi, dep habarlaıdy QazAqparat tilshisi.
«Bıyl 5800 shaqyrym jolǵa tolyǵymen montajdaý jumystary júrgizilip, testtik rejimde iske qosylady. Stavka boıynsha máseleni bizge egjeı-tegjeıli zertteý mindeti júkteldi. Alda talaı qoǵamdyq tyńdaý ótkiziledi. Tıisti tapsyrma túskennen keıin jumysty jalǵastyramyz. 2024 jyldyń aıaǵyna deıin 11 myń shaqyrym joldy aqyly etýimiz kerek», - dedi Ulan Álipov «QazAvtoJol» ulttyq kompanııasynyń tikeleı efırinde sóılegen sózinde.
Eske sala ketsek buǵan deıin Ulan Álipov «Nurly jol 2» baǵdarlamasy boıynsha qyzý jumys júrgizilip jatqanyn málim etken edi.
«Bıyl bizdiń elde jóndeý jumystarymen 4 myń shaqyrym jol qamtyldy. Jalpy «Nurly jol 1» jáne «Nurly jol 2» baǵdarlamasy boıynsha jospardy oryndap kelemiz. ıAǵnı 2015-2020 jyl aralyǵynda «Nurly jol 1» baǵdarlamasy boıynsha jumysty aıaqtap, 13 myń shaqyrym joldy qaıta jóndeýden ótkizdik. 8 myń shaqyrym joldy І jáne ІІ sanatty joldardyń qataryna engizdik. Bıyldan bastap «Nurly jol 2» baǵdarlamasy bastaldy», - dedi ol.
