Qazaqstanda qansha psıhıatr men psıholog jumys isteıdi
ASTANA. KAZINFORM – 2026 jylǵy 1 qańtardaǵy málimet boıynsha, Qazaqstannyń psıhıkalyq densaýlyq saqtaý júıesinde 756 psıhıatr dáriger jumys isteıdi, dep habarlaıdy Densaýlyq saqtaý mınıstrligi.
Olardyń qatarynda balalarmen jumys isteıtin 90 maman bar.
Densaýlyq saqtaý mınıstrliginiń málimetinshe, psıhıkalyq densaýlyq saqtaý júıesinde psıhıatrlarmen qatar psıhoterapevter men psıholog mamandar da qyzmet atqarady.
Olar psıhıkalyq buzylystary bar patsıentterge keshendi kómek kórsetedi.
Vedomstvo kadrlyq resýrstar óńirlik erekshelikterdi eskere otyryp bólinetinin atap ótti.
Sonymen birge keıbir mamandarǵa degen suranys áli de saqtalyp otyr. Ásirese halyq sany qarqyndy ósip jatqan jáne shalǵaı aımaqtarda maman tapshylyǵy baıqalady.
– Kóptegen elderdegideı, kadr tapshylyǵy eń aldymen tez damyp jatqan jáne alys óńirlerde saqtalyp otyr, – dep málimdedi mınıstrlik.
Psıhıkalyq densaýlyq saqtaý salasyndaǵy kadrlyq áleýetti kúsheıtý úshin Densaýlyq saqtaý mınıstrligi birqatar sharany júzege asyryp jatyr. Atap aıtqanda, mamandardy daıarlaý men biliktiligin arttyrý jumystary júrgizilýde. Sonymen qatar óńirlerge medıtsına qyzmetkerlerin tartý úshin áleýmettik qoldaý tetikteri keńeıtilýde.
Aıta keteıik, buǵan deıin psıholog Erjan Myrzabaev BIZDIÑ ORTA podkasynda jastardyń jumysty jıi aýystyrý sebepteri týraly pikir bildirgen bolatyn.
