Qazaqstanda qansha problemalyq turǵyn úı nysany qaldy
ASTANA. KAZINFORM — Qazaqstanda qurylysy uzaqqa sozylǵan problemalyq turǵyn úı nysandarynyń qalǵan 34-in aldaǵy bir jyl ishinde aıaqtaý josparlanyp otyr. Bul týraly Ónerkásip jáne qurylys mınıstri Ersaıyn Naǵaspaev Úkimette ótken brıfıngte málimdedi.
Onyń aıtýynsha, qazirgi ýaqytta elde 34 problemalyq nysan qalǵan. Olardyń basym bóligindegi júıeli máseleler sheshilgen, endi qurylysty aıaqtaý jumystary júrgizilip jatyr.
— Mınıstrlik atynan aıtarym, qazirgi ýaqytta 34 problemalyq nysan qaldy. Ondaǵy júıeli máselelerdiń barlyǵy derlik sheshildi. Jaqyn arada qurylysyn aıaqtaımyz. Bul turǵyn úı qurylysyna qatysty másele. Bir jyldyń ishinde mindetti túrde aıaqtaımyz, — dedi Ersaıyn Naǵaspaev.
Mınıstrdiń sózinshe, problemalyq nysandardyń qurylysy kezeń-kezeńimen aıaqtalyp keledi. Orta eseppen aı saıyn keminde bir nysan paıdalanýǵa beriledi nemese eki-úsh aı ishinde aıaqtalady.
Aıta keteıik, Nurlybek Nálibaev qarajattyń qaı salalarǵa bólinetinin túsindirgen edi.
