Elimizde qansha pedagog jumys isteıdi
ASTANA. KAZINFORM — Qazaqstannyń bilim berý júıesinde barlyq deńgeı boıynsha 600 myńǵa jýyq pedagog eńbek etedi. Olardyń basym bóligi mektepterde jumys isteıdi.
Qazirgi tańda elimizdiń mektepterinde 420 myńǵa jýyq pedagog qyzmet etedi. Mektepke deıingi uıymdarda 104 myńnan astam maman, al tehnıkalyq jáne kásiptik bilim berý uıymdarynda 42 myńǵa jýyq pedagog jumys isteıdi.
Bilim berý uıymdarynyń barlyq deńgeıinde áıel mamandardyń úlesi basym.
Pedagogter arasynda eńbek ótili joǵary mamandar da az emes. Mektepterde 53 myńnan astam pedagogtiń eńbek ótili 30 jyldan asady. Al 73 myńnan astam muǵalim bilim berý salasynda 20 jyldan 30 jylǵa deıin eńbek etip keledi.
Mektepke deıingi uıymdarda 5 myńnan astam, tehnıkalyq jáne kásiptik bilim berý uıymdarynda 4 myńnan astam pedagogtiń eńbek ótili 30 jyldan joǵary.
Bul derekter bilim berý salasynda tájirıbeli mamandardyń eleýli úlesi bar ekenin kórsetedi.
Eske salaıyq, buǵan deıin el mektepterinde 5000-nan astam muǵalim jetispeıtinin habarlaǵan edik.
