Qazaqstanda qansha mektep salynady
«Jaıly mektep» bilim berý salasyndaǵy ulttyq jobasy aıasynda 2026 jylǵa deıin qalalarda jáne qarqyndy damyp kele jatqan eldi mekenderde oqýshy oryndarynyń aǵymdaǵy jáne boljamdy tapshylyǵyn jabý úshin 740 myń oqýshyǵa arnalǵan 369 mektep paıdalanýǵa beriledi», - delingen Oqý-aǵartý mınıstrliginiń «QazAqparat» agenttigine bergen jaýabynda.
Atap aıtqanda, 2023 jyly eki aýysymda 461 myń oqýshy orynǵa 217 mekteptiń qurylysyn bastap, 2024 jyly paıdalanýǵa berý josparlanǵan. Al 2024 jyly eki aýysymda 279 myń orynǵa 152 mekteptiń qurylysyn bastap 2025 jyly tapsyrý eskerilgen..
Budan buryn habarlanǵandaı, jaıly mektepterde elektrondy kitaphana bolady.
Buǵan deıin «Jaıly mektep» jobasyn júzege asyrýǵa 2,6 trln teńge bólinetini habarlanǵan bolatyn. Eń kóp «jaıly mektepter» Almaty, Túrkistan, Mańǵystaý oblystarynda, Shymkent, Astana jáne Almaty qalalarynda salynady. Qalǵan mektepter shaǵyn qalalardy qosa alǵanda, tutas Qazaqstan boıynsha birkelki bólinedi.
