Qazaqstanda qansha qyrǵyz mıgranty bar

ASTANA. QazAqparat - Qyrǵyz azamattarynyń 20 paıyzǵa jýyǵy nápaqasyn shetelde taýyp júr. Bul týraly búgin «Ortalyq Azııa elderindegi áleýmettik eńbek qatynastary: taldaý jáne keleshegi» atty dóńgelek ústel otyrysynda Qyrǵyzstan Kásipodaqtar federatsııasy tóraǵasynyń orynbasary Jeenbek Osmanalıev aıtty, dep habarlaıdy QazAqparat.

«Búginde Qyrǵyzstan halqy 6 mln 300 myń adamdy quraıdy. Kórshi eldermen salystyrǵanda, sanymyz kóp emes. Ekonomıkalyq belsendi 2,5 mln adam bar. Onyń 2,3 mıllıony jumys isteıdi. Ókinishke oraı, bul eski tsıfr bolyp tur.  2,3 mln adamnyń 72 paıyzy beıresmı sektorda jumys isteıdi», - dedi ol.

Onyń atap ótýinshe, qyrǵyz halqynyń belgili bir bóligi eńbek mıgranttarynyń shetelden aýdaratyn aqsha qarajattarynyń esebinen kúnin kórip otyr.

«Resmı derekterge sáıkes, azamattarymyzdyń shamamen bir mıllıonǵa jýyǵy eńbek mıgranty. Olardyń  shamamen 600 myńy Reseıde, 113 myńy Qazaqstanda, 30 myń Túrkııada jumys isteıdi», - dedi Jeenbek Osmonalıev.