Qazaqstanda qansha kóppáterli turǵyn úı bar

ASTANA. KAZINFORM — Elimizde shamamen 60 myń kóppáterli turǵyn úı bar, dep habarlaıdy Ónerkásip jáne qurylys mınıstrliginiń baspasóz qyzmeti.

Mamandardyń málimetinshe, olardyń tehnıkalyq jaǵdaıyn taldaý turǵyn úı qorynyń bir bóligin júıeli túrde jańǵyrtý men jóndeýdi qajet etetinin kórsetedi.

— Atap aıtqanda, kóppáterli úılerdiń 67%-y qanaǵattanarlyq jaǵdaıda dep baǵalanǵan. Bul rette qalǵan turǵyn úı qory qosymsha jańartý men kúrdeli jóndeý jumystaryn talap etedi, — delingen habarlamada.

Mınıstrlik atap ótkendeı, júrgizilip jatqan memlekettik saıasat qoldanystaǵy turǵyn úılerdi jańǵyrtýǵa, turǵyndardyń qaýipsizdigin qamtamasyz etýge jáne qalalyq jaıly ortany qalyptastyrýǵa baǵyttalǵan. Bul sharalar óz kezeginde azamattardyń ómir súrý sapasyn arttyrýǵa múmkindik beredi.

Osydan buryn Taldyqorǵandaǵy kópqabatty turǵyn úıdiń káriz júıesi bitelip, jórtóle sasyq sýǵa tolǵanyn jazǵanbyz.