Qazaqstanda qansha kólik bar – statıstıka

ASTANA. QazAqparat – Bıyl 1 qańtardaǵy derek boıynsha Qazaqstanda 4 mln 449,3 myń avtokólik tirkelgen. Bul týraly QazAqparat tilshisi Ulttyq statıstıka bıýrosyna silteme jasap habarlaıdy.

USB usynǵan málimetke saı, elimizde tirkelgen kólikterdiń 87,9% - jeńil kólikter, 10% - júk jáne 2,1% - avtobýstar. 2021 jyldyń sáıkes kezeńimen salystyrǵanda byltyr avtokólikterdiń sany 3,7%-ǵa kóbeıdi.

Tirkelgen temirtulparlardyń arasynda shyǵarylǵan merzimi 20 jyl asqan kólikter úlesi – 51%. 10 jyldan 20 jylǵa deıin qoldanystaǵy kólikter otandyq avtoparktiń 21% quraıdy. Al shyǵarylǵanyna 3 jyl tolmaǵan avtomobılder kólemi 8%-ǵa teń.

Sondaı-aq, 1 qańtardaǵy jaǵdaı boıynsha kólik quraldary ıeleriniń azamattyq-quqyqtyq jaýapkershiligin mindetti saqtandyrý boıynsha uıymdar 49,1 mlrd teńgege 92 146 saqtandyrý tólemderin júzege asyrǵan Bul qarajat 2021 jylmen salystyrǵanda 29,5%-ǵa artyq.