Qazaqstanda qansha qala bar

ASTANA. KAZINFORM – Qazaqstanda 90 eldi meken qala mártebesine ıe. Onyń ishinde 39 qala – oblystyq mańyzy bar, 48 qala – aýdandyq mańyzy bar, al 3 qala – respýblıkalyq mańyzy bar qalalar sanatyna jatady. Bul týraly Ulttyq statıstıka bıýrosynyń baspasóz qyzmeti habarlady. 

Óńirler bólinisinde qalalardyń eń kóp sany Aqmola oblysynda – 11 birlik. Sondaı-aq Aqtóbe jáne Qaraǵandy oblystarynda – árqaısysynda 8 qaladan bar. 

2026 jylǵy 1 qańtardaǵy jaǵdaı boıynsha eldiń ákimshilik-aýmaqtyq qurylymynda 195 aýdan, 29 kent, 2 157 aýyldyq okrýg jáne 6 096 aýyl tirkelgen. 

Respýblıka boıynsha aýdandardyń eń kóp sany Aqmola oblysynda – 17 birlik, kentterdiń eń kóbi Qaraǵandy oblysynda – 8 birlik. Aýyldardyń eń kóp sany Túrkistan oblysynda tirkelgen – 794 birlik.

Eske sala keteıik, buǵan deıin Qazaqstan qalalarynda býhgalter qyzmetiniń quny qansha ekenin jazǵanbyz.