Qazaqstanda qansha qala bar

ASTANA. KAZINFORM — Ulttyq statıstıka bıýrosy Qazaqstanda qansha qala bar ekeni jóninde statıstıkalyq aqparat jarııalady. 

Málim bolǵandaı, elimizde qala mártebesi berilgen 90 eldi meken bar eken. Sońǵy jyl ishinde olardyń sany bir birlikke artqan. Almaty oblysynda oblystyq mańyzy bar jańa qala paıda boldy. Jalpy oblystyq mańyzy bar qalalar sany — 39, aýdandyq mańyzy barlar — 38, Respýblıkalyq mańyzy bar qala — 3.

Óńirlik bóliniste qalalardyń eń kóp sany Aqmola oblysynda — 11 birlik, sondaı-aq Aqtóbe jáne Qaraǵandy oblystarynyń árqaısysynda 8 birlikten.

2025 jylǵy 1 qańtarǵa aýmaqtyq birlikter qatarynda 195 aýdan, 29 kent, 2160 aýyldyq okrýg jáne 6 179 aýyl bar.

Eske sala keteıik, buǵan deıin eki jylda 80 aýyl kartadan joıylyp ketkenin jazǵan bolatynbyz.