Qazaqstanda qansha ilbis bar

ALMATY. QazAqparat - Qazaqstanda 140-180 ilbis bar. Bul týraly Óńirlik kommýnıkatsııalar qyzmetiniń brıfınginde ilbisterdi baqylaý ortalyǵynyń terıologııa zerthanasynyń meńgerýshisi, Wildlife Without Borders múshesi Alekseı Grachev aıtty, dep habarlaıdy QazAqparat tilshisi.

Alekseı Grachevtiń pikirinshe, ilbis Qazaqstan halqynyń baǵa jetpes mádenı murasyn kórsetetin táýelsiz Qazaqstannyń resmı ulttyq sımvoly.

«Ótken ǵasyrdyń 1980-shi jyldary qar barysy 200-ge deıin tómendedi. Qazir elde shamamen 140-180 ilbis bar»,- dedi ol.

Spıkerdiń sózinshe, ol basqa ǵalymdarmen birge sırek kezdesetin janýardy saqtap qalýǵa qamqorlyq jasap júr. Ol úshin olar únemi zertteýler men monıtorıng júrgizedi.

«Qar barysy – qoljetimsiz tirshilik etý ortasy men jasyryn ómir saltyna baılanysty álemdegi eń qolǵa túsýi qıyn mysyq. Sońǵy ýaqytqa deıin ol týraly qandaı da bir aqparat jınaý óte qıyn boldy, biraq zamanaýı ınnovatsııalyq ádisterdiń paıda bolýymen biz kameralyq qaqpandar – avtomatty baqylaý kameralarynyń arqasynda ony zertteýde aıtarlyqtaı jetistikterge jettik», - dedi spıker.

Aıtýynsha, fototuzaqtar búginde osy sırek kezdesetin jyrtqyshty zertteý men baqylaýdyń eń perspektıvaly ádisi boldy. Bul qurylǵylar janýarlardy jyl boıy túnde jáne kúndiz tirkeýge múmkindik beredi.

«Sońǵy 5 jyl ishinde jergilikti ǵalymdar Almaty qoryǵy men Іle Alataý ulttyq parkiniń mamandarymen birlesip Almaty mańynda mekendeıtin ilbis popýlıatsııasyna úzdiksiz baqylaý júrgizip keledi. Taýdaǵy janýarlardyń negizgi popýlıatsııalyq erekshelikteri men minez-qulqyn zertteý úshin 50-den astam fototuzaqtar ornatyldy»,- deıdi Alekseı Grachev.

Foto: wallpaperbetter.com