Qazaqstanda qansha eldimekendi sý basý qaýpi bar
NUR-SULTAN. QazAqparat – Tótenshe jaǵdaılar mınıstrligi kóktemde sý basý qaýpi bar 905 eldimekendi anyqtady. Bul týraly QR Tótenshe jaǵdaılar mınıstri ıÝrıı Ilın aıtyp berdi, dep habarlaıdy QazAqparat.
Vedomstvonyń málimetinshe, jalpy 2017-2020 jyldary elimizde kóktemde sý basý qaýpi bar 905 eldimeken anyqtaldy. Sý tasqyny qaýpiniń aldyn alý boıynsha Jol kartasyn iske asyrýdyń arqasynda úsh júzden astam (315) eldimekendi sý basý qaýpi seıilip, 300 myńnan astam adam turatyn taǵy 314 eldimekende qater azaıǵan.
Jalpy jol kartasy aıasynda 26 gıdrotehnıkalyq qurylys jóndelgen: Soltústik Qazaqstan oblysynyń Kojevennyı kentindegi qorshaý bógeti qaıta jańartylǵan (2638,9 mln teńge); Pavlodar oblysynyń Baıanaýyl aýdanyndaǵy M. Shorman bógetiniń shaıylyp ketken ýchaskesi qalpyna keltirildi (1364,9 mln teńge); Aqtóbe oblysy Alǵa aýdanynyń Elek ózeni boıyndaǵy qorǵanys bógeti kúrdeli jóndeýden ótken (130 mln teńge).
Buǵan deıin Tótenshe jaǵdaılar mınıstri elimizde 46 úı men 67 avtojoldy sý basqanyn aıtqan edi.
