Qazaqstanda qansha áıel tergeýshi bar
Aıta keteıik, sharany QR Іshki ister mınıstrligi Tergeý departamenti uıymdastyrdy.
Atalǵan kezdesýdiń qurmetti qonaqtary Amangeldi Rysqalıev D.I.Kýrskıı atyndaǵy Saratov zań ınstıtýtynyń túlegi, QR Joǵarǵy Sotynyń burynǵy sýdıasy, Qazaqstannyń oblystyq sottarynyń burynǵy tóraǵasy, Qurmet ordeni men basqa da kóptegen nagrada ıegeri.
Imanáli Baıdáýlet medıtsına ǵylymynyń doktory, I.M.Sechenov atyndaǵy Máskeý memlekettik medıtsınalyq ınstıtýtynyń «Emdeý isi» mamandyǵynyń túlegi, medıtsına polkovnıgi, QR Joǵarǵy Keńesiniń burynǵy depýtaty, Qurmet ordeniniń ıegeri.
Esbergen Alaýhanov A.A.Jdanov atyndaǵy Lenıngrad memlekettik ýnıversıtetiniń túlegi, zań ǵylymdarynyń doktory, professor, Qazaqstannyń eńbek sińirgen qaıratkeri, Qurmet ordeniniń ıegeri, jazýshy, quqyqtyq ilimderiniń jattyqtyrýshysy.
«Táýelsizdik alǵaly Іshki ister organdary onyń ishinde tergeý qyzmeti salasynda birqatar reformalar júzege asyp keledi. Memleket basshysynyń tapsyrmasyna sáıkes 2020 jylǵy 1 jeltoqsannan bastap qylmystyq protsesti tergeýdiń úsh býyndy modeli engizildi. Bıyl 7 aıdyń ishinde tergeýshiler men anyqtaýshylar qadaǵalaýshy organdardarmen birlesip 170 myńnan astam sheshim qabyldady. Nátıjesinde qylmystyq isterdi qosymsha tergeýdi azaıtý múmkindigine qol jetti», - dedi Sanjar Ádilov.
Onyń aıtýynsha, Іshki ister mınıstriniń tapsyrmasyna sáıkes, elimizde áıel tergeýshi mamandardy ázirleý jolǵa qoıyldy.
«Qazirgi ýaqytta respýblıka boıynsha 300-den astam áıel tergeýshi eńbek etip jatyr. Elimizde oryn alatyn qylmystyń istiń 95 paıyzynan astamy tergeýshilerdiń aldynan ótedi. Taǵy bir jańashyldyq, Іshki ister organdarynda qylmystyq sot isti elektrondy formatta júrgizý qolǵa alyndy. Máselen, bıyl 7 aıdyń qorytyndysy boıynsha qylmystyq tergeýdiń 70 paıyzdan astamy elektrondy formatta ótti», - deıdi ol.
Buǵan deıin habarlaǵanymyzdaı, búgin elordada QR Konstıtýtsııa kúnine oraı Sot salasy ardagerleriniń jas tergeýshilermen kezdesýi ótti.
