Qazaqstanda qansha arqar bar

Atalǵan kompanııa basqarma tóraǵasynyń keńesshisi Batyr Seıkenovtiń aıtýynsha, el aýmaǵynda 16 myńnan astam arqar qalǵan.

«Bul sandyq biz qaıdan aldyq? Árıne, árbir arqardy basynan nuqyp sanaǵan joqpyz. Ol múmkin emes. Ár jerde kezdesken arqar sanyn taralý arelyna kóbeıte otyryp, osyndaı san shyǵardyq. Bul burnaǵy jyldarǵa qaraǵanda az. Demek, arqar sanynyń kemýi bar. Oǵan barkonerlik te, túrli aýrýlar da sebep bolýy múmkin», - deıdi ol.

Batyr Seıkenov aldaǵy bes jylda «Qazaq týrzım» kompanııasy arqardyń kóbeıýine qandaı jaǵdaı jasaý qajettigin ǵylymı zertteý arqyly anyqtamaq ekenin jetkizdi.

«Buǵan qarjyny arqar atýǵa beriletin lıtsenzııa esebinen tabamyz. Bir basqa keminde 100 myń aqshy dollary tólense, onyń 11-12 myńy bıýdjetke, 10-15 myńy ańshylyqty uıymdastyrýshy uıymǵa, qalǵany túgel ǵylymǵa tólenedi. Ǵylym degende, bıologııalyq qaýipsizdik ınstıtýty men Zoologııa ınstıtýtyna bólinedi. Qazir arqarlarǵa da belgi taǵyp jatyrmyz. Qarjynyń bir bóligi soǵan jumsalady. Osy arqyly qartaıǵan arqarlardy ońaı anyqtaýǵa bolady», - deıdi ol.

Sheteldik týrıster arqardyń tek múıizin ǵana eline áketetin kórinedi.

«Sheteldikterge onyń múıizi ǵana kerek. Al qalǵan denesin biz alyp, tekseremiz. Bir kezderi búkil el bolyp bókenderdiń neden qyrylǵanyn bilmeı jantalastyq emes pe? Sondaı bolmas úshin arqarlardyń densaýlyǵyna turaqty monıtorıng júrgizbekpiz. Aýrýlaryn erte anyqtap, tıisti sharalar qoldaný, qys qatty bolǵan kezde jemshóppen qamtý sharalary da osy týrıster qarajaty esbinen júrgiziletin bolady. Osynyń arqasynda keleshekte arqar sany artýy tıis. 3 jyldyń ishinde jobanyń qanshalyqty durys júrip jatqanyn biletin bolamyz. Soǵan sáıkes túzetý engizip, rettep otyramyz», - dedi «Qazaq týrızm» ókili.

Aıta ketsek, atalǵan kompanııa Shyǵys Qazaqstan, Qaraǵandy jáne Almaty oblystaryndaǵy arqar popýlıatsııasyn zertteý úshin birneshe ǵylymıı eskpedıtsııa uıymdastyrypty.