Qazaqstanda qansha adamnyń ıpotekasy qaıta qarjylandyryldy
Banktiń baspasóz qyzmetinen málim etkendeı, memlekettik baǵdarlama sheńberinde 5 908 ıpotekalyq qaryzdy qaıta qarjylandyrý maquldandy.
Ipotekalyq qaryzdardy qaıta qarjylandyrý baǵdarlamasy eki bólikten turady.
«Baǵdarlamanyń birinshi bóligi 2004-2009 jyldar aralyǵynda ıpotekalyq qaryz alǵandarǵa qoldaý kórsetýge baǵyttalǵan. Atalǵan qaryzdardy qaıta qarjylandyrýǵa Qazaqstan Ulttyq banki 130 mlrd teńge bóldi. 2019 jylǵy 10 qańtardaǵy jaǵdaı boıynsha Baǵdarlama sheńberinde bankter 159,7 mlrd teńge somaǵa 25 807 qaryzdy maquldap, 139,7 mlrd teńge somaǵa 23 950 qaryzdy qaıta qarjylandyrdy. Barlyǵy 237,6 mlrd teńge somaǵa 31 781 ótinim qabyldandy», - dedi baspasóz qyzmetinen.
Baǵdarlamanyń ekinshi bóliginde QR Ulttyq bankiniń 2015 jylǵy 18 tamyzdaǵy baǵamy boıynsha 2016 jylǵy 1 qańtarǵa deıin alynǵan jeke tulǵalardyń valıýtalyq ıpotekalyq qaryzdaryn teńgemen qaıta qarjylandyrý kózdelgen.
«2019 jylǵy 10 qańtarda bankter valıýtalyq qaryzdardy qaıta qarjylandyrý úshin 48,5 mlrd teńge somaǵa 5 908 ótinimdi maquldap, 35,1 mlrd teńge somaǵa 4 540 qaryzdy qaıta qarjylandyrdy. Barlyǵy 101,7 mlrd teńge somaǵa 8 078 ótinim qabyldandy», - dedi banktiń baspasóz qyzmetinen.
Valıýtalyq ıpotekalyq qaryzdardy qaıta qarjylandyrý merzimi 2019 jylǵy 15 shildege deıin ǵana uzartyldy.
Azamattar qaryzdy qaıta qarjylandyrýǵa 2019 jylǵy 1 shildege deıin ótinish bere alady.
