Qazaqstanda qansha adam transplantatsııa kezeginde tur

ASTANA. QazAqparat - Búgin Ortalyq kommýnıkatsııalar qyzmetinde ótken brıfıngte QR Densaýlyq saqtaý mınıstrliginiń Medıtsınalyq kómekti uıymdastyrý departamenti dırektorynyń orynbasary Aıgúl Tastanova Qazaqstanda organdar men tinderdi aýystyryp salý kezeginde qansha adamnyń turǵanyn jarııa etti, dep habarlaıdy QazAqparat.

«2017  jylǵy 1 maýsymdaǵy jaǵdaıǵa sáıkes kútý paraǵynda 2866 patsıent búırek, 135 adam júrek, 526 adam baýyr jáne 10 adam ókpe transplantatsııasy kezeginde tur», - dedi  A.Tastanova.

«Ulttyq kardıohırýrgııa ǵylymı ortalyǵy» AQ basqarmasynyń tóraǵasy ıÝrıı Pıannyń aıtýynsha, kezekte turǵan azamattarǵa organdar men tinderdi aýystyryp salý memlekettik bıýdjet esebinen júrgiziledi. Máselen, júrek almastyryp salý shamamen 20-25 mln teńgeni quraıdy.

Sonymen qatar ol ólgen adamnyń organyn naýqas adamǵa salý barysynda kóńil-kúıge emes naqty salmaqtanǵan sheshimge moıynsuný qajettigin atap ótti.

«Transplantatsııa dinge qaıshy kelmeıdi. Eger bizdiń tehnologııamyz ony jasaýǵa múmkindik beretin bolsa, onda ony jasaý qajet. Menińshe, sezimge berilýdiń esh qısyny joq. Ómir solaı, bireý óledi, endi bireýler dúnıe esigin ashady. Adamdar jolda, óndiriste, turmysta qaza taýyp jatady. Ol adamdardyń múrdesi jer qoınyna beriledi. Al onyń organdary muqtaj adamdarǵa kómek bere alatyn edi», - dedi ıÝrıı Pıan.