Qazaqstanda qannyń saraptamasy boıynsha reprodýktıvti organdarda onkologııalyq aýrýlardyń damýy táýekelderin anyqtaý múmkindigi bar
ASTANA. 29 qarasha. QazAqparat - Astanadaǵy Ulttyq ana men bala ǵylymı ortalyǵynda qannyń saraptamasy boıynsha aldaǵy bes jylǵa reprodýktıvti organdarda onkologııalyq aýrýlardyń damýy táýekelderin anyqtaý múmkindigi bar. Bul týraly búgin Astanada ótken baspasóz máslıhatynda atalǵan ortalyqtyń basqarma tóraǵasy Tamara Voşenkova aıtty.
«Búginde ortalyqta biz qannyń saraptamasy arqyly aldaǵy 3-5 jylǵa reprodýktıvti organdarda onkologııalyq aýrýlardyń damýy táýekelderin anyqtaı alamyz»,-dep atap ótti ortalyq basshysy.
Sonymen qatar «Ulttyq ǵylymı medıtsınalyq ortalyǵy» dırektorynyń orynbasary Saltanat Turǵanbekova Astanadaǵy medıtsınalyq klasterdiń zertteýleri joǵary deńgeıde júrip jatqandyǵyn tilge tıek etti.
Onyń paıymdaýynsha, búginde elimizdiń azamattaryna shetelge baryp em qabyldaý qajet emes. «Olar bizdiń elimizde qazirgi kezde kúrdeli dertterdi emdeýge arnalǵan ozyq tehnologııalar bar ekenin bilýi tıis»,-dep túıdi S. Turǵanbekova.
