Qazaqstanda qandaı jol erejeleri jıi buzylady

NUR-SULTAN. QazAqparat – QR Іshki ister mınıstrligi Ákimshilik polıtsııa komıteti tóraǵasynyń orynbasary Serik Túsipov Qazaqstanda qandaı jol erejeleri jıi buzylatynyn aıtyp berdi, dep habarlaıdy QazAqparat.

«Jol qaýipsizdiginiń negizgi faktorlarynyń biri – ádettegideı júrgizýshilerdiń jol júrý tártibi bolyp qala beredi. Jyl saıyn biz 5,652 mln jol qozǵalysy erejelerin buzýdy tirkeımiz», - dedi Serik Túsipov mınıstrlikte ótken onlaın brıfıngide.

Spıkerdiń aıtýynsha, jyl basynan beri 1,3 mln jol júrý erejesiniń buzylǵany anyqtaldy.

Onyń ishinde: 437 myń jyldamdyqty asyrý faktisi, 289 myń belgiler men tańbalar talaptaryn buzý, 68,6 myń jaryq aspaptaryn paıdalanýdy buzý, 5 myń jolaýshylar men júkterdi tasymaldaý qaǵıdalaryn buzý jáne 19,5 myń aıaldaý jáne avtoturaq qaǵıdalaryn buzý.

Mas kúıinde kólik aıdaǵan 5,2 myń júrgizýshi ustaldy. Jol qozǵalysy erejelerin buzǵany úshin 6 myń júrgizýshi kólik júrgizý quqyǵynan aıyryldy, 5,3 myń adam ákimshilik qamaýǵa alyndy.