Qazaqstanda qandaı jylyjaılarǵa ınvestıtsııalyq sýbsıdııa beriledi
ASTANA. KAZINFORM - Jańa tehnologııalary bar fermerlik jylyjaılar Qazaqstanda ınvestıtsııalyq sýbsıdııalar ala alady. Ol úshin tıisti standarttardy ázirleý qajet, dep habarlaıdy Úkimettiń baspasóz qyzmeti.
Vıtse-premer Serik Jumanǵarın Túrkistan oblysynyń kásipkerleri kótergen máselelerdi sheshý joldaryn talqylaý úshin memlekettik organdarmen keńes ótkizdi.
Fermerler aıtqan negizgi máseleler: basym daqyldardy (maqsary, maqta, jylyjaı) sýbsıdııalaýǵa qosymsha qarajat bólý, gektaryna 80 kg normatıv kezinde naqty engizý normasy gektaryna 200 kg quraıtyn maqta úshin mıneraldy tyńaıtqyshtarǵa normalardy qaıta qaraý. Sondaı-aq aýyl sharýashylyǵy jumystaryn júrgizý úshin arzandatylǵan dızel otyny shyǵynynyń normatıvin qaıta qarastyrý. Endi bul máselelerdi aýyl sharýashylyǵy jáne qarjy mınıstrligi birlesip sheshetin bolady.
Jylyjaı ósirýshilerdiń jańa qurylys jáne óndiris tehnologııalaryn engizetin sharýa qojalyqtarynyń jylyjaılaryn salýǵa ınvestıtsııalyq sýbsıdııalar alý múmkindigi týraly máselesi qajetti standarttardy ázirleýdi jáne jańartýdy talap etedi. Muny QR SIM Tehnıkalyq retteý jáne metrologııa komıteti QR AShM jáne Túrkistan oblysynyń ákimdigimen birlesip júzege asyrmaq.
Aınalmaly jáne frontaldy áreket etetin búrký mashınalaryn óndirýshi «BNK Group Kazakhstan» basshysy vıtse-premermen kezdesýde otandyq kásiporynǵa salyq júktemesin azaıtý týraly máseleni kóterdi. Al «Qaıyp ata» kompanııalar tobynyń jetekshisi Syrym Ertaev – aýstralııalyq ádis boıynsha 50 myń bas mal bordaqylaý alańyn salý úshin qymbat ımporttyq jabdyqty ákelý kezinde kedendik bajdar men QQS tóleýden bosatý múmkindigi týraly aıtty.
Memleketke qajetti osyndaı iri jobalardy qoldaý úshin Úkimet arnaıy tetikterdi qoldanysqa engizgen. Ónerkásip jáne qurylys mınıstrligi qysqa merzimde «BNK Group Kazakhstan» kompanııasymen ónerkásiptik qurastyrý týraly kelisimdi pysyqtaıdy, bul kásiporyndy jıyntyqtaýyshtardy ákelý kezinde jáne daıyn ónimdi ótkizý kezinde QQS tóleýden bosatýǵa múmkindik beredi. Al SІM Investıtsııalar komıteti «Qaıyp ata» tobymen jáne óńirlerdiń basqa da kásiporyndarymen jabdyqtardy ákelý kezinde ınvestorlardy kedendik bajdar men QQS tóleýden bosatý úshin ınvestıtsııalyq kelisimsharttar jasasady.
Túrkistan oblysynda kóterilgen ózge máseleler men problemalyq jobalardy QR AShM qarjy ınstıtýttarymen birlesip pysyqtaıdy.
