Qazaqstanda qandaı vırýstardyń taralý qaýpi bar

ASTANA. QazAqparat - QR Densaýlyq saqtaý mınıstrligi Qoǵamdyq densaýlyqty qorǵaý komıteti vırýstar men ınfektsııalardyń elimizdiń qandaı aýmaǵynda taralýy múmkin ekendigin jarııa etti, dep habarlaıdy QazAqparat.

«Qazaqstan óńirlerinde  jylsaıyn maýsymǵa jáne óńirlerdiń tabıǵı oshaǵyna baılanysty adamdardyń Kongo-Qyrym qandy bezgegine (Jambyl, Qyzylorda men Ońtústik Qazaqstan oblystarynda), kene entsefalıtine (Almaty qalasy, Almaty men Shyǵys Qazaqstan oblysy) vırýstyq gepatıt, ótkir ishek ınfektsııasyna shaldyǵý derekteriniń tirkelýi múmkin», - delingen komıtettiń QazAqparattyń arnaıy saýalyna bergen jaýabynda.

Sonymen qatar komıtet dál qazirgi ýaqytta naqty bir elderge tán ınfektsııalardyń taralýy týraly da málimettermen bólisti.

«Taıaý Shyǵys elderinde adamdardyń  MERS nemese  taıaýshyǵystyq respıratorlyq sındromnyń koronavırýsyna, tropıkalyq klımatty elder - Ońtústik Shyǵys Azııada, Afrıkada, Ońtústik Afrıkada chıkýngýnıa bezgegi, bezgek, Lassa bezgegi, Denge, Zıka, sary bezgekke, Batys Afrıka elderinde  Ebola bezgegine jáne basqa da aýrýlarǵa shaldyǵý derekteri tirkelip jatyr», - dep habarlady komıtet.


foto:ria56.ru