Qazaqstanda qandaı uıym, mekemeler karantınniń sońyna deıin jumys istemeıdi

NUR-SULTAN. QazAqparat – Nur-Sultanda qandaı uıymdar men jekemenshik mekemeler karantın aıaqtalǵansha jumys istemeıdi?.

«Habar 24» arnasynda ótken onlaın rejımdegi baspasóz máslıhatynda bul týraly QR Aqparat jáne qoǵamdyq damý mınıstri Dáýren Abaev aıtyp berdi, dep habarlaıdy QazAqparat tilshisi.

«Karantın aıaqtalǵanǵa deıin balabaqshalar men balalarǵa arnalǵan ártúrli qosymsha bilim berý uıymdary jabyq bolyp qala beredi. Mektepte bilim berý tártibi qashyqtan oqytý rejıminde jalǵasady», - dedi Dáýren Abaev.

Mınıstr karantınniń sońyna deıin barlar men oıyn, túngi klýbtardyń, kóńil kóterýge arnalǵan mekemelerdiń, bilim berý jáne joǵary bilim berý nysandarynyń, mýzeıler men kınoteatrlardyń jumysy bastalmaıtynyn habarlady.