Qazaqstanda qandaı nysandardyń jumysyna tyıym saqtalady
NUR-SULTAN. QazAqparat – QR aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııa (VAK) elimizde qandaı nysandardyń qyzmetine ruqsat berilmeıtinin aıtty, dep habarlaıdy QazAqparat tilshisi.
Búgin Premer-Mınıstr Asqar Mamınniń tóraǵalyǵymen VAK-tyń selektorlyq otyrysy ótken bolatyn. Onda Qazaqstandaǵy sanıtarlyq-epıdemıologııalyq ahýal eskerile otyryp, kelesi shekteý sharalary saqtalatyny málim etildi:
- mektepke deıingi balalar mekemeleriniń;
- bılıard jáne kompıýter klýbtarynyń;
- oıyn-saýyq mekemeleriniń,
- banket zaldarynyń;
- túngi klýbtardyń qyzmetine salynǵan tyıym saqtalady.
Sondaı-aq oblysaralyq jolaýshylar tasymaldaryna jáne ortaq vagondardy qurýǵa tyıym jalǵasady.
