Qazaqstanda qandaı kólik markalary suranysqa ıe

ASTANA. QazAqparat – Qazaqstanda jańa avtokólikterdiń eń tanymal brendterin otandyq Chevrolet jáne Hyundai zaýyttary shyǵarady, dep habarlaıdy QazAqparat tilshisi.

Finprom.kz portalynyń dereginshe, atalǵan markalardyń satylymy jalpy kólemniń jartysynan kóbin quraıdy, sáıkesinshe 17,6 myń jáne 17,4 myń. Qazaqstanda qurastyrylǵan brendtiń satylymy boıynsha alǵashqy úshtikti Kia túıindeıdi: bes aıda – 9,9 myń jańa kólik.

Sondaı-aq bıyl eń tanymal brendterdiń ondyǵyna birden 5 qytaılyq kólik kirdi: Chery (3,4 myń avtokólik), Haval (2,1 myń), Exeed (1,7 myń), Changan (1,6 myń) jáne Jac (1,5 myń). Sondaı-aq satylymdardyń basynda Toyota (3,2 myń avtokólik) men Lexus (1,4 myń) tur.

Bıyl mamyrdyń qorytyndysy boıynsha, qazaqstandyqtar arasynda tanymal avtokólik modelderi Chevrolet Cobalt (2,3 myń jańa kólik satyldy), Hyundai Tucson (1,1 myń) jáne Kia Sportage (1,1 myń) boldy.

Tucson-nan basqa suranysqa ıe kólikterdiń ondyǵyna Hyundai-dyń taǵy 4 modeli kirdi: Elantra, Sonata, Santa Fe jáne Bayon. Taǵy bir Chevrolet modeli, Nexia jáne bir Kia modeli, K5 de eń tanymaldar qatarynda. Sondaı-aq, bıyl mamyrdyń qorytyndysy boıynsha, Chery Tiggo 7 Pro tanymal avtokólik úlgileriniń tizimine endi.