Qazaqstanda qandaı dáriler saraptamadan ótpeýi múmkin
Sarapatamaǵa berilgen preparattyń 998-y qazaqstandyq óndirýshiden berilgen.
«Ótinimder tirkeý, qaıta tirkeý jáne tirkeý qujattamasyna ózgerister engizý boıynsha tústi. Kelip túsken preparattardyń barlyǵy birdeı eksperttik uıymnyń oń qorytyndysyn almaýy múmkin. Teris qorytyndy birneshe jaǵdaıda beriledi. Kóbine, ótinim berýshi qate málimet berse, sapa men qaýipsizdik kórsetkishteri talap etilgennen tómen bolsa, dári quramynda Qazaqstanda tyıym salynǵan zattar tabylsa, óndiris sharttary belgilengen talaptarǵa sáıkes kelmese, dárilik zatty paıdalaný kezinde onyń paıdasy baıqalmasa», delingen habarlamada.
Búginde Qazaqstanda Dárilik zattar memlekettik reestrinde 7 305 preparat tirkelgen. Onyń 931-i otandyq ónim. Atap aıtarlyǵy, elde tirkelgen dári-dármek sany kúnnen-kúnge artyp keledi.
Bir jaǵynan, saraptamadan ótip, elde qoldanýǵa ruqsat berilgen jańa preparattar qosylsa, ekinshi jaǵynan, zertteý nátıjesinde alynǵan nemese dárigerlerdiń habarlamasyna negizdelgen jańa qaýipsizdik týraly aqparat boıynsha dári-dármekter naryqtan alynyp tastalady. Óndirýshi de tehnıkalyq, marketıng nemese basqa da sebeptermen óz erkimen tirkeýdi toqtatýy múmkin.
«Dárilik zattar men medıtsınalyq buıymdardy saraptaý ulttyq ortalyǵy dárilik zattar tirkelgenge deıin de, keıin de eksperttik jumystar júrgize beredi. Dárilik zattardyń sapasyn baqylaý júıesi olardyń qoldanysta júrgen barlyq kezeńderin qamtıdy. Preparattardy memlekettik tirkeýden buryn olardyń tıimdiligi, qaýipsizdigi men sapasyna keshendi baǵalaý júrgiziledi, sonyń nátıjesinde dári-dármek naryqqa shyǵarylady. Tirkeý tıisti tirkeý kýáligimen rastalady», delingen habarlamada
Barlyq tirkelgen dári-dármektermen ortalyqtyń saıtynda ashyq ornalastyrylǵan Memlekettik reestrde tanysýǵa bolady. Munda dárilik zattar týraly tolyq aqparat, onyń ishinde ataýy, óndirýshisi, tirkelgen kúni, shyǵarylǵan túri, dozasy, qoldaný nusqaýlyǵy, sondaı-aq retsept boıynsha nemese onsyz bosatý týraly málimetter bar. Budan basqa, tirkelgen dáriler týraly tolyq aqparatpen Darikz mobıldi qosymshasynda da tanysýǵa bolady.
«Qazaqstanda tirkelmegen preparattardy satýǵa tyıym salynǵanyn esten shyǵarmaý kerek. Sondyqtan dári-dármekti lıtsenzııasy bar dárihanalardan satyp alý qajet. Jeke tulǵalar men bazardan jáne basqa da satý pýnkterinen dári almaǵan jón. Dárini satyp alý kezinde satyp alýshy preparattyń sapasyn dáleldeıtin qujattar suraýǵa quqyly», delingen habarlamada.
