Qazaqstanda qandaı banknottar jıi qoldan jasalady
ALMATY. QazAqparat - QR Ulttyq banki 2019 jyly anyqtalǵan jasandy banknottar men monetalar týraly aıtty, dep habarlaıdy QazAqparat tilshisi.
Baspasóz qyzmetiniń aqparatyna sáıkes, Ulttyq bank pen ekinshi deńgeıli bankter 2019 jyly 5 786 300 teńge somasyna 1319 jalǵan banknot jasalǵanyn anyqtady, olardyń 1313-i – banknot, 6-aýy – moneta.
«Ótken jylmen salystyrǵanda, jasandy aqshalardyń sany 6% azaıdy. 2018 jyly Qazaqstanda 6,4 mln teńge somasyna 1408 jalǵan aqsha anyqtaldy. Onyń 1386-sy banknot, al 22-si moneta bolǵan»,– dep habarlady Ulttyq banktiń baspasóz qyzmetinen.
Byltyr eń kóp anyqtalǵan jalǵan banknottar: 2 myń teńge – 420 dana, 5 myń teńge– 395 dana, 10 myń teńge – 283 dana.
Qadaǵalaý organynyń málimetteri boıynsha, Almaty kóshirme aqsha jasaýda alda tur. Megapolıste – 937 dana jalǵan aqsha anyqtalǵan. Odan keıingi oryndarda Shyǵys Qazaqstan oblysy (106 dana) jáne Nur-Sultan qalasy (104 dana) ornalasqan.
