Qazaqstanda Kanada kúni atalyp ótti
NUR-SULTAN. QazAqparat - Nur-Sultanda 1 shildede Qazaqstan Respýblıkasyndaǵy Kanada elshiligi Kanada kúnin atap ótti. Merekeleýge 300 qonaq - memlekettik jáne jeke sektor, halyqaralyq qoǵamdastyq jáne azamattyq qoǵamdastyq ókilderi qatysty, dep habarlaıdy QazAqparat tilshisi.
Kanada kúniniń tarıhy 1867 jyldyń 1 shildesinen bastaý alady. Sol kúni Brıtanııalyq Soltústik Amerıka týraly Aktige qol qoıylǵan. Іs-shara barysynda QR-daǵy Kanada elshisi Nıkolas Brýsso men QR Tsıfrlyq damý, ınnovatsııa jáne aeroǵarysh ónerkásibi mınıstri Asqar Jumaǵalıev eki el arasyndaǵy dostyq qatynas pen ekonomıkalyq seriktestiktiń damyp jatqanyn erekshe atap ótti.
Qazaqstan men Kanada 1992 jyly dıplomatııalyq qarym-qatynas ornatty. 1994 jyly Kanada Qazaqstanda óziniń dıplomatııalyq ókildigin ashty. Kanada ınvestıtsııa kólemi 3 mlrd dollardan astam qarjymen Qazaqstandaǵy 15 iri ınvestor qataryna kiredi. Qazaqstan men Kanada arasyndaǵy saýda aınalymy kólemi jylyna 550 mln dollarǵa jetip otyr.
«Kanada men Qazaqstan arasyndaǵy qarym-qatynas arta tústi, bizdiń elshilik nyǵaıǵan yntymaqtastyqqa sáıkes bolý úshin sońǵy eki jylda aıtarlyqtaı jumystar atqaryp jatyr», - dep málimdedi kanadalyq dıplomat.
Merekeleý rásimi demeýshilerdiń qoldaýynyń arqasynda ótti: Cameco, Kaztsınk, Polycorp, Condor Petroleum, Bourgault Industries, Ońtústik Alberta tehnologııalyq ınstıtýty (SAIT) jáne AG First Cultural Tours.
