Qazaqstanda qan tapsyrý kórsetkishi jylyna 280 myń adamnan asty

Bul týraly búgin Astanadaǵy "Qan ortalyǵynda" Dúnıejúzilik donorlar kúnine arnalǵan sharada Respýblıkalyq transfýzıologııa ǵylymı-óndiristik ortalyǵy dırektorynyń orynbasary Shaıjamal Musabekova málim etti.

"Qazaqstanda jalpy donatsııa kórsetkishi jylyna 280 myńnan asty, onyń ishinde 57 paıyzy tegin donorlyq, qalǵany týys-týǵandardyń qan tapsyrýynan boldy. Búgingi tańda dúnıejúzi boıynsha tegin donorlyqtyń ǵana bolýyna talpynys jasalýda", - deıdi ol.

"Dúnıejúzilik densaýlyq saqtaý uıymynyń málimetteri boıynsha, halyqty qan komponentterimen qamtamasyz etý úshin 1 myń adamǵa shaqqanda 40-60 donordan kelýi kerek. Qazaqstanda búgingi aqparat boıynsha, 1 myń adamǵa 17-18 donordan keledi. Astana kóleminde alatyn bolsaq, myń adamǵa 50 donordan. ıAǵnı Astana boıynsha bizde donorlyqtan qıyndyq joq. Biraq bizdiń maqsatymyz - respýblıkalyq kórsetkishterdi DSU deńgeıine jetkizý, sol kezde bizde qan komponentterine tapshylyq bolmaıdy", - dep túıdi sózin ol.

Saltanatty shara barysynda 10 jáne odan kóp qan tapsyrǵan donorlar marapattalyp, baǵaly syılyqtar aldy.