Qazaqstanda qan men zár taldaýynyń baǵasy qansha
Elimizde qan jáne zár taldaýy emhana dárigerleriniń joldamasy boıynsha tegin júrgiziledi. Sonymen birge adam óz betimen densaýlyǵyn tekserýdi qalasa jeke zerthanalarǵa baryp, taldaý jasata alady. Kazinform agenttiginiń tilshisi óńirlerdegi taldaý qyzmetiniń qunyn salystyrdy.
Qazirgi kezde keń taralǵan ári qoljetimdi taldaý túri – qan jáne zár taldaýy. Bul kepildendirilgen medıtsınalyq kómekke kiredi. Eger memlekettik emhanaǵa baryp, dárigerge qaralyp, kezek kútkińiz kelmese, aqyly qyzmetke júriginýge bolady. Qyzmettiń bul túri memlekettik jáne jekemenshik emhanada qatar júrgiziledi.
Elimizdiń barlyq óńirinde «Invivo» jáne «Olımp» zerthanalarynyń birneshe fılıaly jumys istep tur. Memlekettik jáne jeke emhanalarda qyzmet baǵasynda aıyrmashylyq bolsa, Qazaqstan boıynsha bul zerthanalarda bir ǵana baǵa qoıylǵan.
Zerthana saıtynan taldaýǵa qajetti synamany tapsyrýǵa daıyndalý talabymen tanysýǵa bolady. Sonymen birge qan taldaýyna qajetti ázirlik jaıyn aldyn ala bilip alǵan jón. Eger ózińiz emhanaǵa bara almasańyz, onda mobıldi qyzmeti úıge nemese keńsege kelip, qyzmet kórsetedi. Eger tapsyrys quny 15 myń teńgege jetpese bul qyzmet úshin qosymda 2 000 teńge tóleısiz. Al eger 15 myń teńgeden joǵary bolsa, 1 000 teńge alady. Sonymen birge taldaýdaǵy kórsetkishter týraly anyq-qanyq bilgińiz kelse onlaın keńeske 5 000 teńge, dárigerdiń onlaın keńesine taǵy 6 000 teńge qosymsha aqy suraıdy.
Sonymen qan taldaýy+zár taldaýy zerthanalarda 2 760 teńgeden bastalyp, 3 850 teńgege deıin jetedi. Eger qan taldaýy jan-jaqty júrgizgenin (erıtrotsıtter, gemoglobın, leıkotstsıtter, trombotsıtter, erıtrotsıtter túziletin oryn, retıkýlotsıtter) qalasańyz quny 3 400 teńge, jalpy qan taldaýy (oǵan erıtrotsıtter túziletin oryn kirmeıdi) – 1 880 teńge, S-rekaktıvti aqýyz deńgeıin anyqtaýǵa arnalǵan jalpy qan taldaýy - 2 360 teńge. Jalpy zár taldaýy qyzmetiniń quny – 1 580-1 650 teńge aralyǵynda. Aıtyp óteıik, bıomaterıal jınaýǵa qosymsha 1 360 teńge, arnaıy ydysyna 200 teńge alady.
Zerthanalar birneshe check-up usynady. Olar: «Zár bıohımııasy» — 6 900 teńge, «Bıohımııa. Negizgi» — 14 000 teńge jáne «Bıohımııa. Keńeıtilgen» — 23 000 teńge.
Sonymen birge turǵylyqty jerdegi emhanalarda da qan men zár taldaýyn aqyly tapsyrýǵa bolady. Bul jerdegi baǵa ár qalada ártúrli. Máselen № 7 Almaty qalalyq emhanasynda jalpy qan taldaýyna 3 000 tólese, jalpy zár taýdaýyna 1 500 teńge qajet. Al qan alý qyzmetiniń quny – 500 teńge.
Astana qalasyndaǵy № 8 emhanada jalpy qan taldaýy (qan jasýshasyn tsıfrlyq taldaý) men jalpy zár taldaýy qyzmetiniń quny – 1 200 teńge. Eger qan quramy týraly tolyq bilgińiz kelse, baǵasy 2 300 teńge. Al Astana qalasyndaǵy № 9 emhanada jalpy zár taldaýy 1 200 teńge bolsa, jalpy qan taldaýy qyzmetiniń quny – 1 800 teńge.
QR Prezıdentiniń is basqarmasynyń medıtsınalyq ortalyǵy aýrýhanasynda jalpy qan taldaýyn, jan-jaqty qan taldaýyn (leıkotsıtterdi anyqtaý) 2 200 teńgege jasatýǵa bolady. Al jalpy qan taldaýynyń (leıkotsıtterge taldaý jasamasa) ózi 1 200 teńge bolyp tur. Zár taldaýy – 1 400 teńge. Munda azamattardy úsh sanatqa bóledi.
Birinshisi – Qazaqstan Respýblıkasynyń azamattary, qandastar, sonymen birge elimizge turaqty qonystanǵan sheteldikter men azamattyǵy joq adamdar.
Ekinshisi – Qazaqstan Respýblıkasy aýmaǵynda turaqty turmaıtyn TMD elderi, jaqyn shetel azamattary, azamattyǵy joq adamdar.
Úshinshisi – Qazaqstan Respýblıkasynda turaqty turmaıtyn alys shetel azamattary.
Aqmola kópsalaly oblystyq aýrýhanasynda jalpy qan taldaýynyń quny – 1 830 teńge, jan-jaqty qan taldaýy – 2 200 teńge, zár taldaýy – 1 360 teńge.
Taraz qalasyndaǵy № 5 emhanada jalpy qan taldaýy – 1 376 teńge, jalpy zár taldaýy – 741 teńge. Al tamyrdan qan alý baǵa – 452 teńge, saýsaqtan qan alý qyzmeti – 215 teńge. Úıden qan taldaýyn alyp ketse, baǵasy — 1 721 teńge. Taraz qalalyq kópsalany aýrýhanasynda avtoanalızator kómegimen jasalatyn jalpy qan taldaýy – 2 170 teńge, jalpy qan taldaýy (6 parametr kiredi)— 1 800 teńge, jalpy qan taldaýy (úsh parametrdi qolmen taldasa)— 1820 teńge. Jalpy zár taldaýy – 1470 teńge.
Qaraǵandydaǵy № 2 qalalyq emhanasynda jalpy qan taldaýy (úsh parametr) 1 681 teńge, jalpy qan taldaýy (6 parametr) — 1 784 teńge, jalpy qan taldaýy (analızator arqyly 6 parametr) — 1266 tenge, jalpy zár taldaýy – 691teńge.
Petropavl qalalyq № 1 emhanasynda analızator arqyly jalpy zár taldaýyn jasaý quny – 600 teńge, analızator arqyly 5 klassty qan taldaýyn júrgizý baǵasy — 1 700 teńge, analızator arqyly 5 klassty jasýshaǵa qan taldaýyn júrgizý baǵasy— 1905 tenge.
Sultanov atyndaǵy Pavlodar oblystyq aýrýhanasynda analızator arqyly 5 klassty qan taldaýyn júrgizý baǵasy – 1 700 teńge, jalpy zár taldaýy – 800 teńge.
Qostanaıdaǵy № 1 qalalyq emhanasynda jalpy qan taldaýy – 1 900 teńge, jalpy zár taldaýy – 900 teńge. Tamyrdan qan alý – 500 teńge, saýsaqtan qan alý – 300 teńge, úıge baryp, tamyrdan qan alý – 1 200 teńge.
Elimizdiń memlekettik aýrýhanasy men jeke emhanalarda jalpy qan taldaýy 800- 2 595 teńgege jasatýǵa bolady. Sonyń ishinde Taldyqorǵan, Óskemen, Aqtóbe, Semeı, Pavlodar men Almatyda jalpy qan taldaýyn jasaý qyzmetiniń quny 800 teńgeden bastalady.
Al Astana, Qaraǵandy, Oral men Qostanaıda jalpy qan taldaýy qyzmetiniń quny ortasha. Bul qalalarda baǵa myń teńgeden sál asady. Al Taraz turǵyndary orta eseppen 1 400-2 2 60 teńge, Jezqazǵanda 1 500 teńge jáne odan joǵary, Petropavlda 1 700-2 595 teńge tóleıdi. Qyzylorda men Shymkentte – 1 800 teńge jáne odan joǵary, Kókshetaýda 1 830 teńgeden joǵary, Túrkistanda 2 260 teńge.
Jalqy zár taldaýynyń baǵasy tómen. Qazaqstandyqtar bul qyzmetke 600 – 2 500 teńge tóleıdi. Eń arzany Petropavl, Semeı, Pavlodar, Taldyqorǵan, Qaraǵandy, Aqtóbe men Almaty, Óskemen qalalarynda tirkeldi. Mundaǵy baǵa – 600-700 teńge.
Al Taraz, Astana, Qostanaıda baǵa – 740 – 900 teńge aralyǵynda. Jezqazǵan, Shymkent pen Oralda baǵa 1 000 teńge jáne odan joǵary. Kókshetaýda 1 360 teńge, Qyzylordada 1 580 teńge, Túrkistanda 1 940 teńge.
Buǵan deıin Qazaqstandaǵy klınıng qyzmetiniń baǵasy týraly jazyldy.