Qazaqstanda qan donorlarynyń biryńǵaı bazasy qajet

Bul jóninde búgin Astanada Transfýzıologııa ǵylymı-óndiristik ortalyǵy dırektorynyń birinshi orynbasary Sánııa Ábdirahmanova málim etti.

«Ózekti máselelerdiń biri - Qazaqstanda biryńǵaı aqparattyq platformanyń joqtyǵy. Bizdiń ortalyqtar turaqty qan tapsyrýshy donorlardyń jáne túrli ınfektsııalyq derttermen aýyrǵan, qan tapsyrýǵa quqyqtary joq adamdardyń biryńǵaı bazasyn jasaqtady. Bul baza áli eldegi basqa ortalyqtarmen qosylmaǵan. Sondyqtan ortaq baza Qazaqstanda ázirge joq», - deıdi ol.

Onyń sózine qaraǵanda, ózge óńirlerden kelgen donorlar elordalyq qan ortalyǵyna kelgen kezde, dárigerler maǵlumat alý úshin onyń turǵylyqty jeri boıynsha suranys jiberýge májbúr.