Qazaqstanda kámelet jasyna tolmaǵandar arasynda ózine-ózi qol jumsaý 34,2 paıyzǵa tómendedi
Onyń sózine qaraǵanda, 2013 jyly Qazaqstanda 3506 ózine-ózi qol jumsaý oqıǵasy tirkelse, onyń ishinde 292-si kámelet jasyna tolmaǵandar arasynda boldy. Al 2014 jyly bundaı 3124 oqıǵa oryn alsa, sonyń 192-si kámeletke tolmaǵandarǵa tıesili.
«Memlekettik organdar qabyldaǵan sharalarynyń nátıjesinde ózine-ózi qol jumsaýdyń azaıýy 10,9 paıyzdy qurasa, kámelet jasyna tolmaǵandar arasynda 34,2 paıyzǵa kemidi», - dedi A. Tastanova.
QR Densaýlyq saqtaý jáne áleýmettik damý mınıstrliginiń Respýblıkalyq psıhıatrııa, psıhoterapııa jáne narkologııa ǵylymı-praktıkalyq ortalyǵy dırektorynyń ǵylymı jáne klınıkalyq jumystary jónindegi orynbasary Nıkolaı Negaı ózine-ózi qol jumsaýdyń aldyn alý baǵdarlamalaryn júzege asyrýdyń eki negizgi kezeńine toqtaldy.
Nıkolaı Negaıdyń málimdeýinshe, 2016 jyly BUU balalar qorynyń (ıÝNISEF) qoldaýymen Qyzylorda oblysynda ózine-ózi qol jumsaýdyń aldyn alý baǵdarlamalasyn engizý josparlanyp otyr. Ol aqparattyq, úıretetin jáne qaýip-qater toptaryn anyqtaıtyn quramdas bólikterden turmaq.
Belgili halyqaralyq sarapshylardyń qatysýymen ıÝNISEF, QR Densaýlyq saqtaý jáne áleýmettik damý mınıstrliginiń Respýblıkalyq psıhıatrııa, psıhoterapııa jáne narkologııa ǵylymı-praktıkalyq ortalyǵy aımaqtyq ákimdikpen birlesken túrde engizetin keshendi baǵdarlamasy balalar men jasóspirimder arasyndaǵy sýıtsıdten saqtaýǵa kómektesedi.
