Qazaqstanda qalyptasqan jaǵdaı turaqty - Qoǵamdyq qor prezıdenti
/strong>Sáýirdiń 26-y. QazAqparat / Ádilet Musahaev / - 2010 jyldyń naýryz aıynda júrgizilgen áleýmettik zertteýiniń nátıjesine sáıkes, respondentterdiń basym bóligi Qazaqstanda qalyptasqan jaǵdaıdy turaqty dep baǵalaıdy.
Bul jaıynda búgin ótken baspasóz máslıhatynda «Strategııa» áleýmettik jáne saıası zertteýler ortalyǵy» qoǵamdyq qorynyń prezıdenti Gúlmıra Ileýova aıtty, dep habarlaıdy QazAqparat.
G.Ileýovanyń aıtýynsha, eldegi jaǵdaıdy túsiniksiz jáne turaqsyz dep sanaıtyndardyń úlesi 2009 jyldyń naýryz aıymen salystyrǵanda 51-den 26 paıyzǵa azaıǵan.
«Respondentterdiń eldegi ekonomıkalyq jaǵdaıdy jáne óziniń materıaldyq jaǵdaıyn baǵalaýy orta eseppen 10 paıyzǵa jaqsardy. Naqtylap aıtsaq, otbasy men memlekettiń ekonomıkalyq jaı-kúıi jaqsy dep esepteıtinder úlesi 30 paıyzdy qurasa, 60-y bul kórsetkishterge ortasha degen baǵa beregen. Halyqtyń 10 paıyzy eldegi ekonomıkalyq jaǵdaıy men óz otbasynyń materıaldyq aqýalyn nashar dep baǵalaıdy», deıdi qordyń prezıdenti.
Sondaı-aq ol júrgizilgen saýalnama boıynsha respondentterdiń 49 paıyzy bir jyldan soń otbasynyń materıaldyq jaǵdaıy jaqsy jaqqa ózgeredi dep boljaıtyndyǵyn, 35 paıyzy óz ómirinde esh ózgeris kútpeıtindigin aıtady.
Sonymen birge QR Prezıdentiniń qyzmeti sońǵy jyl ishinde óte joǵary baǵaǵa ıe bolǵandyǵyn jetkizdi. «Premer-mınıstr men Parlamenttiń jumysyna kóńili tolatyndardyń úlesi 64 pen 61 paıyzdy qurap otyr. «Nur Otan» partııasynyń qyzmetin qazirgi kúni respondentterdiń 67 paıyzy oń baǵalaıdy», deıdi G.Ileýova.
