Qazaqstanda kalıanǵa qatysty shekteýlerdi jeńildetý múmkindigi talqylanyp jatyr

ASTANA. KAZINFORM — Qazaqstandyq memlekettik organdar kalıandy paıdalanýǵa qatysty shekteýlerdi jeńildetý múmkindigin talqylap jatyr. Bul týraly Іshki ister mınıstriniń orynbasary Sanjar Ádilov málim etti. 

— Shynynda da bul taqyryp talqylanyp jatyr. Osy oraıda ІІM Ákimshilik polıtsııa komıtetiniń ókilderi vedomstvoaralyq jumys toptarynyń otyrystaryna qatysyp júr. Talqylaý júrip jatyr. Jumys jalǵasady. Osynyń nátıjesinde qabyldanǵan sheshim jarııalanady. Sonymen qatar, qosymsha qoǵamdyq tyńdaýlar ótkiziledi dep oılaımyn, — dedi Sanjar Ádilov Senatta tilshiler suraǵyna jaýap bere otyryp.

Onyń aıtýynsha, talqylaý kezinde birqatar másele qamtylǵan. Sonyń arasynda tıisti jabdyqtardy ákelýge ruqsat berý, oıyn-saýyq oryndarynda kalıandy paıdalaný, ruqsat etilgen zattardyń tizimin aıqyndaý qarastyrylyp jatyr.

Budan bólek ol Qazaqstanda veıpter boıynsha talaptardy jeńildetý bolmaıtynyn atap ótti.

Aıta keteıik, kalıandy qoǵamdyq oryndarda qoıýǵa zań júzinde tyıym bar. Byltyr Májilistiń jalpy otyrysynda depýtattar kalıan qoıyp júrgen kóńil kóteretin oryndar kóbeıip ketkenin aıtqan edi. 

Eske salsaq, byltyr maýsym aıynan bastap Qazaqstanda veıp, oǵan arnalǵan hosh ıistendirgish pen suıyqtyq ákelýge, satýǵa jáne taratýǵa tyıym salyndy.