Qazaqstanda qalqansha bez obyryn emdeıtin preparat óndirisi qolǵa alyndy
22 maýsymda «ıAdrolyq fızıka ınstıtýty» respýblıkalyq memlekettik kásipornynda qalqansha bez obyryn qosa alǵanda, qalqansha bez aýrýlaryn emdeý úshin natrıı ıodıd (131I) radıofarmpreparatynyń birinshi ónerkásiptik partııasy jasaldy.
Bul preparat QR Densaýlyq saqtaý mınıstrliginde «natrıı ıodıdi 131I, ishýge arnalǵan eritindi» ataýymen dárilik zat retinde tirkeldi.
2021 jylǵy 24 maýsymda preparat Semeı qalasyndaǵy ıAdrolyq medıtsına jáne onkologııa ortalyǵynyń alǵashqy patsıentterine jetkizildi.
Aǵzanyń patologııalyq oshaǵynda natrıı ıodıdi (131I) radıofarmpreparatynyń tańdamaly jınalýynyń arqasynda qorshaǵan tinderdi saqtaı otyryp, obyr kletkalary joıylady.
Almatydaǵy ıAdrolyq fızıka ınstıtýtynda radıofarmatsevtıkalyq preparattar jasaý tarıhy 1986 jyldan bastalady.
Dál osy jyly KSRO-da mıokard ınfarktisin aldyn ala dıagnostıkalaý úshin Tallıı-201 ızotopy bar preparattyń alǵashqy óndirisi uıymdastyryldy.
Qazaqstan táýelsizdik alǵannan keıin adamnyń barlyq organdarynyń aýrýlaryn dıagnostıkalaý úshin keńinen qoldanýǵa bolatyn Tehnetsııa-99m óndirisi jolǵa qoıyldy.
Qazirgi zamanǵy densaýlyq saqtaý júıesinde bul ızotoptyń úlesine barlyq radıonýklıdtik rásimderdiń 80%-dan astamy tıesili.
2011 jyly ıAdrolyq fızıka ınstıtýty tehnetsııa generatorlaryn tirkedi jáne eki apta boıy jumys isteıtin jáne eldiń kez kelgen óńirine jetkizilýi múmkin yqsham tasymaldanatyn generatorlardy óndirýdi bastady.
Radıonýklıdtik dıagnostıkany qoldana otyryp, qaterli isikterdi damýdyń eń erte satysynda anyqtaýǵa bolatyndyǵyn atap ótken jón.
Bul qaterli isik aýrýynan bolatyn ólimdi azaıtady jáne naýqastarda qaıtalaný sanyn edáýir azaıtady.
Generatordyń konstrýktsııasyn jasaý jumysy 2014 jáne 2015 jyldary «Jyl ónertabysy», «Shapaǵat» respýblıkalyq konkýrstarynda eki márte jeńiske jetti.
2018 jyly quramyna radıofarmatsevtıkalyq preparattar shyǵaratyn zamanaýı keshen kiretin Almaty qalasyndaǵy ıAdrolyq fızıka ınstıtýty bazasynda ıAdrolyq medıtsına jáne bıofızıka ortalyǵynyń qurylysy aıaqtaldy.
Ortalyqty qurýdyń sońǵy kezeńi radıofarmpreparattar óndirisin tıisti óndiristik praktıka (GMP) talaptaryna sáıkestikke sertıfıkattaý boldy.
Instıtýt qyzmetkerleri bolashaqta ıadrolyq medıtsınanyń jańa ázirleme negizinde Qazaqstan ultynyń densaýlyǵy men ómir súrý sapasyn nyǵaıtý maqsatynda radıofarmpreparattardyń keń spektrin qoldana otyryp, ártúrli aýrýlardy dıagnostıkalaý men emdeý úshin jańa preparattar ázirleýdi josparlap otyr.
