Qazaqstanda qalǵym keledi - S.Shýkhla
ASTANA. QazAqparat - Búgin elordada baspasóz máslıhatyn ótkizgen úndiniń «Kelin» telehıkaıasynda basty róldi somdaǵan akter Sıdhart Shýkhla Qazaqstannyń qonaqjaılylyǵyna tánti bolǵanyn atap ótti.
«Kelin» serıaly Úndistanda da keńinen tanymaldyqqa ıe bolǵan týyndylardyń biri bolyp otyr. Al bul serıaldyń reıtıngi óte joǵary bolǵandyqtan, onyń aıaqtalýyn kútýdiń qajeti qansha?», - dep ázilmen jaýap berdi ol BAQ ókilderiniń «Kelin» telehıkaıasy qashan aıaqtalady, degen saýalyna oraı.
Sonymen qatar ol Qazaqstannyń kınoındýstrııasy jaıly aqparaty az ekendigin aıtyp, elimizde qonaqta bolǵan kúnder ishinde qazaq akterlerimen jaqyn tanysyp, biraz maǵlumat jınaǵanyn atap ótti.
«Qazaqstanǵa keletin kezimde ne kúterimdi bilmedim. Degenmen, ushaqtan túskennen bastap Qazaqstannyń ǵajap memleket ekenin, adamdarynyń qonaqjaı ekendigin baıqadym. Qazaq halqy shyn júrekten rızashylyqpen, qonaqjaılyqpen qarsy aldy. Sizder de bizder sııaqty otbasyna úlken mán beredi ekensizder», - dedi ol.
Sonymen qatar ol kelgen sátten bastap birneshe fotosessııaǵa qatysyp, tipti, keıbir adamdardyń sýretke túsýden sharshaǵan joqsyń ba, dep suraǵanyn aıta kele: «Sol sátterde aınalamdaǵy adamdar, ásirese, qyzdar sulýlyqtarymen tánti etti. Tipti, Qazaqstannan ketkim de kelmeı qaldy. Ókinishke oraı, búgin elime oralamyn. Sizderdiń qonaqjaılylyqtaryńyzdy saǵynatyn bolamyn», - dedi S.Shýkhla.
